अभिनेते रमेश परदेशी यांचा भाजप प्रवेश

पुणे, ता. १८ : राष्ट्रीय स्वयंसेवक संघाच्या गणवेशात समाजमाध्यमावर फोटो टाकल्यामुळे मनसेचे अध्यक्ष राज ठाकरे यांच्या टीकेचे लक्ष्य झालेले अभिनेते रमेश परदेशी यांनी मंगळवारी मुंबईत भाजपमध्ये प्रवेश केला.
भाजपचे प्रदेशाध्यक्ष रवींद्र चव्हाण, केंद्रीय राज्यमंत्री मुरलीधर मोहोळ, राज्याचे उच्च व तंत्र शिक्षण मंत्री चंद्रकांत पाटील, भाजपचे प्रदेश महामंत्री राजेश पांडे, माजी सभागृह नेते श्रीनाथ भिमाले आदी या वेळी उपस्थित होते. मनसेचे अध्यक्ष राज ठाकरे हे काही दिवसांपूर्वी पुण्यात संघटनात्मक बांधणीचा आढावा घेण्यासाठी पुण्यात आले होते. त्या वेळी त्यांनी रमेश परदेशी यांच्याकडे पाहून, ‘तू इथे काय करत आहेस? कुठेतरी एका ठिकाणी राहा,’ असे म्हटले होते. त्यानंतर हा प्रवेश झालेला आहे.