राष्ट्रीय लोकअदालतीमध्ये २१४ प्रकरणे निकाली... ८ कोटी ३६ लाख ८६ हजार रुपयांची तडजोड शुल्क वसूल
PDR25B09292
पंढरपूर : लोकअदालतप्रसंगी उपस्थित मान्यवर.
पंढरीतील लोकअदालतीत ८ कोटी ३६ लाखांची तडजोड
पंढरपूर, ता. १५ : तालुका विधी सेवा समितीच्या वतीने जिल्हा न्यायालय, पंढरपूर येथे राष्ट्रीय लोकअदालतीचे आयोजन करण्यात आले होते. या लोकअदालतीमध्ये २१४ प्रकरणे तडजोडीने मिटविण्यात आली आहेत. या प्रकरणामध्ये एकूण ८ कोटी ३६ लाख ८६ हजार ६४९ रुपयांची तडजोड झाली. यामध्ये मोटार अपघात दावा एक कोटी रुपयांच्या तडजोडीने मिटवला असल्याची माहिती तालुका विधी सेवा समितीचे प्रभारी अध्यक्ष तथा जिल्हा व सत्र न्यायाधीश ए.एस. सलगर यांनी दिली.
या लोकअदालतीसाठी एकूण ५ पॅनेलची व १ नियमित न्यायालयाचे व्यवस्था करण्यात आली होती. या पॅनेलमध्ये जिल्हा न्यायाधीश ए. एस. सलगर, न्यायाधीश एन. एस. बुद्रूक, न्यायाधीश श्रीमती एस. एस. राऊळ, न्यायाधीश श्रीमती के. जे. खोमणे, न्यायाधीश श्रीमती पी. आर. पाटील, न्यायाधीश ए. एस. सोनवलकर यांनी काम पाहिले.
लोकअदालत प्रमुख जिल्हा व सत्र न्यायाधीश एम.एस.शर्मा यांच्या मार्गदर्शनाखाली आयोजित करण्यात आली होती. त्यासाठी तालुका विधी सेवा समितीचे अध्यक्ष तथा जिल्हा न्यायाधीश ए. एस. सलगर, न्यायाधीश श्रीमती एस.एस पाखले व न्यायदंडाधिकारी प्रथम वर्ग श्रीमती के. जे. खोमणे यांनी वेळोवेळी बैठका घेऊन, पाठपुरावा करुन लोकअदात केली.
या लोकअदातीमध्ये जिल्हा व सत्र न्यायालय, पंढरपूर येथील एक कोटी रूपयांचा मोटार अपघात दावा जिल्हा न्यायाधीश ए. एस. सलगर, अॅड. व्ही. एम. भोसले, पॅनल विधीज्ञ तथा अध्यक्ष पंढरपूर अधिवक्ता संघ यांनी तडजोडीने बोलणी करून प्रकरण लोकअदातीमध्ये मिटवले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.