दगडफेकीच्या भीतीने ‘वंदे भारत’साठी खबरदारी

पुणे, ता. ९ ः मुंबई- पुणे- सोलापूर दरम्यान धावणाऱ्या वंदे भारत एक्स्प्रेसचे शुक्रवारी उद्‍घाटन होत आहे. मुंबईहून पुण्याला येताना व पुण्याहून सोलापूरच्या दिशेने जाताना कोणताही अनुचित प्रकार घडू नये, म्हणून आरपीएफची अतिरिक्त तुकडी पुणे स्थानकावर दाखल झाली आहे. यात सुमारे ६० जवान असून त्यांना विविध रेल्वे स्थानकासह संवेदनशील स्थानकाच्या जवळील ट्रॅकशेजारी नियुक्त केले जाणार आहे. वंदे भारत एक्स्प्रेसवर दगडफेक होऊ नये, म्हणून रेल्वेच्या वतीने खबरदारी घेण्यात आली आहे. नाशिकहून ६० जवान पुण्यात दाखल झाल्याचे आरपीएफच्या सूत्रांनी सांगितले.