अवती भवती

महाकेसरची दिवाळी पहाट उत्साहात
पुणे, ता. ५ : राजस्थानी गीतांसह विविध चित्रपट गीते, शेरोशायरी, गझल, कव्वालीचे सुर आणि त्याला टाळ्या व नृत्यासह लाभलेल्या श्रोतृवर्गाच्या उस्फूर्त प्रतिसादामुळे महाकेसर दिवाळी पहाट उत्साहात झाली.
जय महेश मंच, राधे राधे, रॉयल माहेश्वरी, महेश इंडस्ट्रिअल ग्रुप आणि के. ॲण्ड क्यू परिवार, माहेश्वरी समाजातील अशा अनेक समूहांनी एकत्र येत बावधन येथील ऑक्सफर्ड गोल्फ क्लब येथे ‘महाकेसर‘ दिवाळी पहाटचे आयोजन केले होते. माहेश्वरी समाजातील स्त्रियांच्या हस्ते दीपप्रज्वलनाने कार्यक्रमाचा सुरुवात झाली.
तेजस गंभीर आणि टीमच्या म्युझिक बॅंडने विविध सुमधुर गिते सादर करून उपस्थितांची मने जिंकली. या वेळी श्रीमंत दगडूशेठ हलवाई गणपती (सुवर्णयुग) मंडळाचे अध्यक्ष महेश सूर्यवंशी यांचा सत्कार केसरीवाडा गणेशोत्सवाचे प्रमुख रोहित टिळक यांच्या हस्ते करण्यात आला. गणेश विसर्जन मिरवणूक वेळेत पूर्ण व्हावी म्हणून श्रीमंत दगडूशेठ हलवाई मंडळाने यंदा वेळेत विसर्जन मिरवणुकीत सामील होऊन एक वेगळा पायंडा पाडल्याने पोलिस प्रशासन आणि व्यवस्थेवरील तणाव कमी होण्यास मदत झाली. त्यांच्या सामंजस्याच्या भूमिकेबद्दल त्यांचा सत्कार केला. या वेळी गोकूळ सोमाणी व संजय जाजू, महाकेसरचे संयोजक सत्येंद्र राठी उपस्थित होते. दीपाली मुंदडा, माधुरी मुंदडा, पूजा बलदुआ यांनी कार्यक्रमाचे सूत्रसंचालन केले. कार्यक्रम यशस्वी होण्यास लक्ष्मीकांत मुंदडा, अमित कलंत्री, कोहिनूर इंदानी, चंदन मुंदडा, स्मिता सोमाणी, गोपाल झंवर, मनीष भट्टड, आदींचे सहकार्य केले. संगीता लढ्ढा यांनी आभार मानले.

संत गंगानाथ महाराज मठात वीट पूजन
पुणे, ता. ११ : गुरुवार पेठेतील श्री संत गंगानाथ महाराज मठ जीर्णोद्धार कार्यासाठी वीट पूजन कार्यक्रम आयोजित केला होता. राज्याचे उच्च तंत्र शिक्षण मंत्री चंद्रकांत पाटील यांच्या हस्ते मठामध्ये वीट पूजन करून पुढील बांधकाम करण्यास सुरुवात करण्यात आली. पाटील यांनी मठाची संपूर्ण माहिती घेतली आणि मठाच्या कामासंदर्भात व्यक्तिशः लक्ष घालून सहकार्य करू, असे आश्वासन दिले. ट्रस्टतर्फे पाटील व स्थायी समिती माजी अध्यक्ष हेमंत रासने यांचा सत्कार करण्यात आला. यावेळी अध्यक्ष सिद्धेश कांबळे, खजिनदार तुषार कांबळे, सचिव धीरज घोडके, विश्वस्त स्वप्नील घोलप, अमित गलींदे, स्वरदां बापट, आरती कोंढरे, विजयालक्ष्मी हरिहर, किशोर येनपुरे, किशोर चव्हाण उपस्थित होते.