फुकट्या प्रवाशांकडून दोन कोटी दंड वसूल

फुकट्या प्रवाशांकडून
दोन कोटी दंड वसूल

पुणे, ता. ३ ः पुणे रेल्वे विभागात जून महिन्यात तिकीट तपासणी दरम्यान २५ हजार ३७७ प्रवासी विनातिकीट प्रवास करताना आढळून आले. त्यांच्यावर दंडात्मक कारवाई करून दोन कोटी १४ लाख ६१ हजार रुपयांचा दंड वसूल करण्यात आला. तर आठ हजार ४७७ प्रवासी अनियमित प्रवास करताना आढळून आले असून त्यांच्यावर कारवाई करून सुमारे ५० लाख ९५ हजार रुपयांचा दंड वसूल केला आहे. तसेच सामान बुक न करताना नियमापेक्षा जास्त वजनाचे सामान घेऊन प्रवास करताना १६४ प्रवासी आढळून आले. त्यांच्यावर कारवाई करीत २१ हजार रुपयांचा दंड वसूल करण्यात आला.
विभागीय रेल्वे व्यवस्थापक इंदू दुबे व अतिरिक्त विभागीय रेल्वे व्यवस्थापक ब्रिजेश कुमार सिंह यांच्या मार्गदर्शनाखाली, वरिष्ठ विभागीय वाणिज्य व्यवस्थापक डॉ. मिलिंद हिरवे आणि विभागीय वाणिज्य व्यवस्थापक डॉ. रामदास भिसे यांच्या नेतृत्वात पुणे स्थानकावर व विविध रेल्वे गाडीत करण्यात आलेल्या कारवाईत हा दंड केला आहे. यासाठी तिकीट निरीक्षक व रेल्वे सुरक्षा दलातील हवालदार यांचे विशेष पथक तयार करण्यात आले होते.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com