गणरायाची शाडूची मूर्ती फक्त ७०० रूपयांमध्ये

पुणे, ता. २१ ः ‘सकाळ माध्यम समूहा’च्या वतीने एका अनोख्या उपक्रमाचे आयोजन करण्यात आले आहे. यात आपल्याला केवळ ७०० रुपयांमध्ये बाप्पाची सुरेख अशी आठ इंच उंचीची शाडू मातीत बनविलेली मूर्ती मिळणार आहे.
स्ट्रोक्स फाउंडेशनच्या मार्गदर्शकांच्या मदतीने ही मूर्ती आपण कार्यशाळेत रंगवू शकता. इथे आपल्याला मूर्ती रंगविण्यासाठी नैसर्गिक रंग मोफत पुरवले जाणार आहेत, जेणेकरून गणरायाची मूर्ती पूर्णपणे पर्यावरणपूरक होईल. यानिमित्ताने आपण व आपल्या मुलांनी स्वत: रंगवलेली बाप्पाची मूर्ती आपल्या घरी विराजमान करता येईल. त्यामुळे ही अनोखी संधी न सोडता, या कार्यशाळेचा लाभ घेऊन इको फ्रेंडली गणेशोत्सव साजरा करण्याची संधी मिळणार आहे. या कार्यशाळेसाठी आजोळ डे केयर ॲंड प्री-स्कूल व इव्हॉल्व हाय ग्लोबल स्कूल हे सहायक प्रायोजक म्हणून लाभले आहेत.

कार्यशाळेविषयी...
- कधी : ९ सप्टेंबर
- पहिली बॅच : सकाळी १० ते १, सकाळ मुख्य कार्यालय, बुधवार पेठ
- दुसरी बॅच : सायंकाळी ४ ते ७, शैलेश हॉल, अलंकार पोलिस चौकीजवळ, कर्वेनगर
- सोबत आणायचे साहित्य : पेंटींग ब्रश (नंबर ०, २, ४, ६ तसेच राउंड व फ्लॅट ब्रश नंबर सहा) कलरींग पॅलेट, नॅपकिन, छोटा बाउल
- शुल्क ७००
- माहितीसाठी संपर्क : ९३५६८९५१८६, ९५५२५३३७१३, ८८०५००९३९५ व ९४२२६५२९५९