बालसुधारगृहात मुलाला मारहाण

पुणे, ता. ३ : येरवडा येथील पं. जवाहरलाल नेहरू उद्योग केंद्र संचलित बालसुधारगृहात डोक्यात फरशी मारून मुलाला जखमी करण्यात आले. या प्रकरणी अल्पवयीन मुलावर येरवडा पोलिसांनी गुन्हा दाखल केला. रविवारी (ता. ३०) दुपारी एक वाजण्याच्या सुमारास हा प्रकार घडला. मुलांना रांगेत उभे करण्यात आले असताना आधीच्या वादातून हा प्रकार घडला. त्यानंतर कर्मचाऱ्यांनी हल्लेखोर मुलाला पकडले. याबाबत बालसुधारगृहातील ‘केअरटेकर’ महेश चंद्रकांत जाधव (वय ३७) यांनी फिर्याद दिली.
-----