मुक्त विद्यालय मंडळात नावनोंदणीसाठी अंतिम मुदतवाढ

पुणे, ता. ४ : महाराष्ट्र राज्य मुक्त विद्यालय मंडळामध्ये इयत्ता पाचवी आणि आठवीसाठी नव्याने प्रविष्ट होणाऱ्या विद्यार्थ्यांच्या ऑनलाइन पद्धतीने नावनोंदणी प्रवेश अर्जासाठी ५ ते १५ जुलैपर्यंत अंतिम मुदतवाढ देण्यात आली आहे. या कालावधीत विद्यार्थ्यांचे नावनोंदणी अर्ज स्वीकारण्यात येणार आहेत.
मंडळाने ऑनलाइन नावनोंदणी प्रवेश अर्ज भरण्याचा आणि कागदपत्रे स्वीकारण्याबाबत तपशील जाहीर केला आहे. त्यानुसार विद्यार्थ्यांचे ऑनलाइन नावनोंदणी अर्ज १५ जुलैपर्यंत (रात्री ११.५९ वाजेपर्यंत) भरण्यात यावे, अशी सूचना राज्य मुक्त विद्यालय मंडळाचे प्रभारी सचिव शैलेंद्र पाटील यांनी दिली आहे. अर्ज भरण्यासाठीच्या सूचना मुक्त विद्यालय मंडळाच्या अधिकृत संकेतस्थळावर उपलब्ध आहेत. या सूचना वाचून अर्ज भरण्यास सुरुवात करावी, असेही मंडळातर्फे सांगण्यात आले आहे.

नावनोंदणी प्रक्रियेचा तपशील
५ ते १५ जुलै (रात्री ११.५९ वाजेपर्यंत)
विद्यार्थ्यांचे ऑनलाइन नावनोंदणी अर्ज भरणे

६ ते १९ जुलै
विद्यार्थ्यांनी मूळ अर्ज, शुल्क व मूळ कागदपत्रे अर्जावर नमुद केलेल्या संपर्क केंद्र शाळेमध्ये जमा करणे

२४ जुलै
संपर्क केंद्र शाळांनी विद्यार्थ्यांचे अर्ज, नमूद केलेले शुल्क, मुळ कागदपत्रे आणि यादी विभागीय मंडळात जमा करणे

http://msbos.mh-ssc.ac.in
ऑनलाइन नावनोंदणी अर्ज भरण्यासाठी आणि अधिक माहितीसाठी संकेतस्थळ