पुण्यात शाळांबरोबरच पावसानेही घेतली सुट्टी

पुण्यात शाळांबरोबरच पावसानेही घेतली सुट्टी

पुणे, ता. ९ : जिल्ह्यात अतिमुसळधार पाऊस पडण्याचा इशारा हवामान विभागाने दिल्यानंतर जिल्हाधिकारी डॉ. सुहास दिवसे यांनी बारावीपर्यंतच्या शाळांना मंगळवारी (ता. ९) सुट्टी जाहीर केली. मात्र शाळांबरोबर पावसानेही सुट्टी घेतली. शहरात दिवसभरात पावसाची एकही सर पडली नाही.
शहर आणि परिसरात सोमवारी (ता. ८) दुपारनंतर पावसाच्या सरीवर सरी पडत होत्या. घाटमाथ्यावर पावसाचा जोर वाढला होता, तो रात्री उशिरापर्यंत कायम होता. याच दरम्यान हवामान विभागाने मंगळवारी घाटमाथ्यावर अतिमुसळधार पाऊस पडेल, असा अंदाज वर्तविला. शहरातही पावसाच्या मध्यम सरी पडतील, असे नमूद केले होते. पावसामुळे निर्माण होणाऱ्या संभाव्य आपत्कालीन स्थितीचा विद्यार्थ्यांवर परिणाम होऊ नये, यामुळे डॉ. दिवसे यांनी जिल्ह्यातील इयत्ता बारावीपर्यंतच्या सर्व शाळा आणि कनिष्ठ महाविद्यालयांना मंगळवारी सुट्टी जाहीर केली.
महापालिकेच्या शाळांनाही आदेशाच्या आधारे सुट्टी दिली. शाळांनीही विद्यार्थ्यांच्या पालकांना मंगळवारच्या सुट्टीची माहिती कळविली. परंतु मंगळवारी पावसानेही सुट्टी घेतली. शहरात दुपारपर्यंत ढगाळ वातावरण होते. दुपारनंतर ढगाळ वातावरण कमी होऊन सूर्यकिरणे पडली होती. त्यामुळे कमाल तापमानाचा पारा २९.४ अंश सेल्सिअसपर्यंत वाढला होता. ‘शहरात पाऊस पडेल, म्हणून हवामान विभागाने वर्तविलेला अंदाज चुकला. त्यात मुलांची शाळा बुडाली. याचा फटका मुलांच्या शैक्षणीक प्रगतीला बसला, याला जबाबदार कोण?’ असा सवाल समाजमाध्यमांवर विचारण्यात येत होता.

हवामान अंदाज
बुधवार (ता. १०) : आकाश सामान्यतः ढगाळ राहून हलक्या ते मध्यम पावसाच्या सरी पडण्याची शक्यता आहे. तसेच घाटमाथ्यावर तुरळक ठिकाणी मुसळधार पाऊस पडेल, असा अंदाज वर्तविण्यात आला.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com