काळे मित्रपरीवारातर्फे गणेश मूर्तींचे वितरण

पुणे, ता. २८ : नवी पेठेतील युवक काँग्रेस पक्षाचे पदाधिकारी कुणाल काळे मित्रपरिवाराच्या वतीने एक रुपया देऊन गणेशमूर्तींचे वितरण करण्याचा उपक्रम राबविण्यात आला. या उपक्रमाचे हे तिसरे वर्ष असून, याद्वारे सुमारे ४५० कुटुंबीयांना गणपतीची मूर्तींचे वितरण करण्यात आले. याप्रसंगी काँग्रेस नेते मोहन जोशी, वरिष्ठ प्रवक्ते गोपाळ तिवारी, डॉ. मदन कोठुळे, अनंत घरत, चेतन आगरवाल, सौरभ अमराळे, हेमंत राजभोज, सागर धाडवे आदी उपस्थित होते.