युवा स्वयंसेवकांकडून दगडूशेठ मंदिर परिसर स्वच्छ

पुणे, ता. ९ : यंदाच्या गणेशोत्सवात दोन कोटींहून अधिक भाविकांनी श्रीमंत दगडूशेठ हलवाई गणपतीचे दर्शन घेतले. उत्सवानंतर इंटरॅक्ट क्लब ऑफ पुणे डाऊनटाउनच्या युवा स्वयंसेवकांनी मंदिर परिसरात साचलेला सर्व कचरा साफ केला.
रोटरी क्लब ऑफ पुणे डाऊनटाउनच्या मार्गदर्शनाखाली झालेल्या या उपक्रमात स्वयंसेवकांनी हातमोजे, कचऱ्याच्या पिशव्या वापरून स्वच्छता करत पर्यावरणपूरक संदेश दिला. या उपक्रमासाठी रोटरी सदस्य आशिमा घाणेकर यांनी मार्गदर्शन केले. ‘भक्ती केवळ पूजा करण्यापुरतीच मर्यादित नसून शहर आणि पर्यावरणाची जबाबदारीही सामूहिक आहे,’ हा संदेश देत या तरुणांनी श्रद्धा आणि जबाबदारीचा संगम घडविला. पोलिस आणि नागरिकांनी या उपक्रमाचे कौतुक करत तो सर्व नागरिकांसाठी प्रेरणादायी असल्याचे मत व्यक्त केले.