२२ दुचाकी चालकांवर आरटीओची कारवाई

पुणे, ता. २१ : पुणे प्रादेशिक परिवहन कार्यालयाच्या वायू वेग पथक क्रमांक एकने शुक्रवारी २२ दुचाकी चालकांवर कारवाई केली. विभागीय आयुक्त कार्यालयात विना हेल्मेट येणाऱ्यांवर ही कारवाई करण्यात आली.
नवले पूल अपघातानंतर महामार्गासह शहरात आरटीओ प्रशासनाने कारवाई सुरु केली आहे. यापूर्वी सरकारी कार्यालयात येणाऱ्या नागरिकांना व कर्मचाऱ्यांना याबाबतची माहिती दिली होती. या कारवाईत सातत्य राखले जाईल असे उप प्रादेशिक परिवहन अधिकारी स्वप्निल भोसले यांनी सांगितले.