‘ज्याचा त्याचा विठ्ठल’ अभिवाचनाचे आयोजन

पुणे, ता. १६ : रोटरी क्लब ऑफ पुणे गांधी भवनच्या रौप्यमहोत्सव सांगता समारंभानिमित्त ‘ज्याचा त्याचा विठ्ठल’ हा संगीत-चित्र-नाट्य अभिवाचनाचा विशेष कार्यक्रम आयोजित केला आहे. शनिवारी (ता. २०) सायंकाळी ४.३० वाजता यशवंतराव चव्हाण नाट्यगृहात हा कार्यक्रम होणार असून, तो सर्वांसाठी खुला असल्याची माहिती रोटरीच्या अध्यक्षा अश्‍विनी शिलेदार यांनी पत्रकार परिषदेत दिली.
या कार्यक्रमाला केंद्रीय सहकार आणि नागरी हवाई वाहतूक राज्यमंत्री मुरलीधर मोहोळ, रोटरी इंटरनॅशनलचे माजी अध्यक्ष रोटेरियन शेखर मेहता तसेच ज्येष्ठ समाजसेवक गिरीश प्रभुणे उपस्थिती राहणार आहेत. ‘गांधी भवन’ २५ वर्षांपासून सामाजिक उपक्रम राबवीत आहे. सासवडला छोटा बंधारा बांधून पाण्याची वर्षभराची तरतूद केली आहे. अवयवदान मोहीम राबवून गिनीज बुकमध्ये नोंद होण्याइतकी जागृती केली आहे. तसेच रोटरी क्‍लब सभासद व रोटरी फाउंडेशनने दिलेल्‍या कोट्यवधींच्या देणगीतून अनेक सामाजिक उपक्रम राबविण्‍यात आल्‍याचे शिलेदार यांनी सांगितले. यावेळी सचिव श्यामल मराठे, पल्‍लवी जोशी, गणेश जाधव हे उपस्थित होते.