पदवीधर, शिक्षक संघाचा मतदारयाद्यांचा कार्यक्रम जाहीर

पुणे. ता, १६ : केंद्रीय निवडणूक आयोगाने पुण्यासह छत्रपती संभाजीनगर व नागपूर विभागातील पदवीधर तसेच अमरावती व पुणे विभागातील शिक्षक विधान परिषद मतदारसंघांसाठी नव्याने मतदार याद्या तयार करण्यासाठीचा कार्यक्रम जाहीर केला आहे. या कार्यक्रमानुसार मतदारांनी वेळेत नाव नोंदणीसाठी सहकार्य करावे, असे आवाहन उपजिल्हा निवडणूक अधिकारी मीनल कळसकर यांनी केले आहे.
कार्यक्रमाचे टप्पे पुढीलप्रमाणे आहेत : जाहीर सूचना प्रसिद्धी- मंगळवार, ३० सप्टेंबर,
वर्तमानपत्रातील नोटिशीची प्रथम पुनःप्रसिद्धी- १५ ऑक्टोबर, वर्तमानपत्रातील नोटिशीची द्वितीय पुनःप्रसिद्धी- २५ ऑक्टोबर, प्रकरणनिहाय नमुना १८ किंवा १९ द्वारे दावे व हरकती स्वीकारण्याचा अंतिम दिनांक- ६ नोव्हेंबर,
हस्तलिखिते तयार करणे व प्रारूप मतदार याद्यांची छपाई- २० नोव्हेंबर, प्रारूप मतदार याद्यांची प्रसिद्धी- २५ नोव्हेंबर, दावे व हरकती स्वीकारण्याचा कालावधी-२५ नोव्हेंबर ते १० डिसेंबर, दावे व हरकती निकाली काढणे, पुरवणी यादी तयार करणे व छपाई- २५ डिसेंबर, अंतिम मतदार यादीची प्रसिद्धी- ३० डिसेंबर

---