कर्वेनगर ः बावधन

कर्वेनगर ः बावधन परिसरात काल दुपारी तीन ते सहा अवघ्या तीन तासांमध्ये झालेल्या मुसळधार पावसाने संपूर्ण परिसर जलमय झाला. मुख्य रस्त्यांवर व अंतर्गत गल्लीबोळात पाणीच पाणी साचल्याने नागरिकांची मोठी तारांबळ उडाली. वाहतूक ठप्प झाल्याने वाहनांच्या दूरवर रांगा लागल्या होत्या, तर काही दुचाकी पाण्यात बंद पडल्याने वाहनचालकांची परिस्थिती बिकट झाली होती. रस्त्यावरील पाणी वाहतुकीस अडथळा ठरत होते. अनेक ठिकाणी पाणी निचरा न झाल्याने वाहतूक कोंडीचे चित्र पाहायला मिळाले. विद्यार्थ्यांना शाळेतून परतताना, तर कार्यालयीन कामकाज संपवून घरी परतणाऱ्या कर्मचाऱ्यांना मनस्तापाला सामोरे जावे लागले. अवघ्या तीन तासांच्या पावसाने बावधन परिसर ठप्प झाल्याने स्थानिक नागरिकांनी संताप व्यक्त केला आहे.
प्रवासी प्रशांत कनोजिया म्हणाले की, बावधन परिसरात बसथा़ंब्याअभावी प्रवाशांची तारांबळ उडाली होती. पावसात प्रवाशांना आडोसा शोधण्यासाठी धावाधाव करावी लागली.