पुढील दोन दिवसांत हलक्या पावसाची शक्यता

पुणे, ता. २० : गेल्या दोन दिवसांपासून पावसाने विश्रांती घेतली आहे. तर पुढील दोन दिवस शहर आणि परिसरात हलक्या पावसाची शक्यता भारतीय हवामानशास्त्र विभागाने वर्तविली आहे.
शहरात शुक्रवारपासून पावसाने विश्रांती घेतली आहे. त्यामुळे कमाल आणि किमान तापमानात किंचित वाढ झाली आहे. शनिवारी शहर आणि परिसरात ३० अंश सेल्सिअस इतके कमाल तर २१.४ अंश सेल्सिअस इतके किमान तापमान नोंदविण्यात आले. पुढील दोन दिवसांत तापमानात किंचित घट नोंदविण्यात येऊन मेघगर्जना आणि विजांच्या कडकडाटासह अति हलक्या ते हलक्या पावसाची शक्यता असल्याचे हवामानशास्त्र विभागाने वर्तविली आहे.
पुणे आणि परिसरात रविवारी (ता. २१) कमाल तापमानात किंचित घट होणार असून कमाल तापमान २९ अंश सेल्सिअस तर किमान तापमान २१ अंश सेल्सिअस इतके नोंदविण्यात येणार आहे. आकाश सामान्यतः ढगाळ राहणार असून मेघगर्जना आणि विजांच्या कडकडाटासह अति हलक्या ते हलक्या स्वरूपाचा पाऊस पडण्याची शक्यता आहे. सोमवारी (ता. २२) कमाल तापमानात किंचित वाढ होण्याची शक्यता आहे. कमाल तापमान ३० अंश सेल्सिअस तर किमान तापमान २० अंश सेल्सिअस नोंदविण्यात येणार आहे. आकाश सामान्यतः ढगाळ राहणार असून मेघगर्जना आणि विजांच्या कडकडाटासह अति हलक्या ते हलक्या स्वरूपाचा पाऊस पडण्याची शक्यता हवामानशास्त्र विभागाने वर्तविली आहे.