‘विमान क्षेत्रात भारतीयांना करिअरची सुवर्णसंधी’

पुणे, ता. २३ : ‘जगातील विमान उद्योग झपाट्याने प्रगती करत असून, भारत त्यात अग्रेसर आहे. मात्र, या क्षेत्रात कार्यरत होण्यासाठी तरुणांची संख्या कमी असल्याने भारताबाहेरील युवकांना रोजगारासाठी आमंत्रित करण्याची वेळ आली आहे, ही खेदजनक बाब आहे. त्यामुळे विमान क्षेत्रात करिअर करू इच्छिणाऱ्या विद्यार्थ्यांसाठी ही सुवर्णसंधी ठरणार आहे,’ असे मत यंग लर्नर्स एव्हिएशन ॲकॅडमीचे संस्थापक कॅप्टन नितीन बेंद्रे यांनी केले.
यंग लर्नर्स एव्हिएशन ॲकॅडमी आणि बाळासाहेब देवरस एव्हिएशन गॅलरी यांच्या वतीने आयोजित ‘कमर्शिअल पायलट लायसन्स’ या विषयावर विशेष शिबिर पार पडले. हे शिबिर पीएमसी मेट्रो स्टेशनजवळील ‘एव्हिएशन ॲण्ड स्पेस गॅलरी’ येथे झाले. बेंद्रे यांनी शिबिरात विद्यार्थ्यांना मार्गदर्शन केले. ॲकॅडमीच्या संचालिका रश्मी इंदुलकर, कॅप्टन पुनीत वाखारिया, कॅप्टन अतुल वसकळे, कॅप्टन अकिन गोडेश्वर, कॅप्टन सिमरन, डॉ. सुलेखा सिंघानिया तसेच बाळासाहेब देवरस एव्हिएशन गॅलरीचे व्यवस्थापक सुजित शेंडकर यांनी विद्यार्थ्यांना मार्गदर्शन केले.