‘पॅट’ परीक्षा १० ते १३ ऑक्टोबरदरम्यान होणार

पुणे, ता. २३ : इयत्ता दुसरी ते आठवीच्या विद्यार्थ्यांसाठी पायाभूत चाचणी, संकलित मूल्यमापन चाचणी-एक आणि संकलित मूल्यमापन चाचणी-दोन अशा तीन नियतकालिक चाचण्यांचे नियोजन करण्यात आले आहे. नियतकालिक मूल्यांकन चाचणी (पॅट) अंतर्गत पायाभूत चाचणी १० ते १३ ऑक्टोबर या कालावधीत होणार आहे.
या चाचणीअंतर्गत प्रथम भाषा, गणित आणि तृतीय भाषा (इंग्रजी) या विषयांच्या इयत्ता दुसरी ते आठवीतील शासकीय आणि स्थानिक स्वराज्य संस्थांच्या सर्व शाळा, खासगी अनुदानित शाळांमधील विद्यार्थ्यांची ही चाचणी होणार आहे. ही चाचणी एकूण दहा माध्यमात होणार आहे. ‘संकलित चाचणी-एक’च्या चाचणी पत्रिका २५ सप्टेंबर ते ५ ऑक्टोबर या कालावधीत वितरित करण्यात येणार आहेत, अशी माहिती राज्य शैक्षणिक संशोधन व प्रशिक्षण परिषदेच्या सहसंचालक डॉ. कमलादेवी आवटे यांनी दिली.