‘समारंभ विशेष प्रदर्शनाचे’ शेवटचे दोन दिवस

पुणे, ता. २६ : निवडक हस्तनिर्मित वस्तू आणि भारतीय हातमागावर तयार झालेले विविध वस्त्र प्रकार यासाठी प्रसिद्ध असलेल्या ‘तंबू मार्केट’ तर्फे ‘समारंभ विशेष प्रदर्शन’चे आयोजन शुक्रवार, (ता. २६) ते रविवार ( ता. २८) सकाळी ११ ते रात्री ९ या वेळेत करण्यात आले आहे. हे प्रदर्शन कर्वे रस्त्यावरील हर्षल हॉल येथे चालू असून प्रदर्शनाचे शेवटचे दोन दिवस बाकी आहेत. हे प्रदर्शन सर्वांसाठी खुले आहे.
दसरा-दिवाळी तसेच इतर सण-उत्सवांच्या निमित्ताने लागणाऱ्या आकर्षक वस्तूंची रेलचेल प्रदर्शनात आहे. राज्यातील विक्रेते आणि कलाकार त्यात सहभागी झाले आहेत. हातमागावरील सुती व रेशमी साड्या, ड्रेस मटेरिअल, तयार कपडे, सुंदर दागिने, हॅन्डपेंटेड होम डेकोर, हॅन्डबॅग्स, बेडशीट्स व होम लिनन, यांसह विविध वस्तू येथे उपलब्ध असून त्यात किचन गार्डन, टेरेरियम अशा उपयुक्त वस्तूंचा ही समावेश आहे. जास्तीत जास्त नागरिकांनी या प्रदर्शनास भेट द्यावी व मोठ्या संख्येने सहभागी व्हावे, असे आवाहन आयोजिका गायत्री चाव्हरेकर यांनी केले आहे.
-------------