जोगेश्वरीमाता मंदिरात भजनसेवा

पुणे, ता. २९ ः बुधवार पेठेतील पेशवेकालीन जोगेश्वरीमाता मंदिरामध्ये नवरात्र उत्सवानिमित्त सांगवी येथील भजनसुधा कला मंडळाच्या वतीने भजनसेवा करण्यात आली. मंडळाच्या मीनल देशपांडे व त्यांच्या सहकाऱ्यांचा भजनसेवेत सहभाग होता. आईचा विडा, जोगवा, आईचा जागर अशा अनेक रचना सादर करण्यात आल्या. मंदिराचे पुजारी भिडे कुटुंबीयांच्या वतीने भजनी मंडळाचा सन्मान करण्यात आला. या कार्यक्रमासाठी विद्या दहाड व अनिता कदम यांनी परिश्रम घेतले.
-----------------