जिल्हा परिषदेत मागासवर्ग कक्ष

पुणे, ता. २९ : जिल्हा परिषदेत मागासवर्गीयांना शासकीय सेवेत मिळणाऱ्या आरक्षणाच्या धोरणाची आणि शासकीय आदेशांची अंमलबजावणी योग्यरीत्या होत आहे की नाही, यावर देखरेख ठेवण्यासाठी मागासवर्ग कक्ष स्थापन करण्यात आला आहे. या कक्षामार्फत संबंधित कार्यालयात बिंदू नियमावली ठेवणे, तसेच मागासवर्गीयांना आरक्षणाशी निगडित लाभ व सवलती मिळवून देण्यासाठी आवश्यक बाबींवर लक्ष ठेवले जाणार आहे. या समितीचे अध्यक्ष जिल्हा समाजकल्याण अधिकारी असणार आहेत, अशी माहिती जिल्हा परिषद प्रशासनाकडून देण्यात आली.