घरकाम करणाऱ्याकडून रोकडसह दागिन्यांची चोरी

पुणे, ता. ३० ः घरकाम करणाऱ्या नोकरानेच ज्येष्ठ महिलेची नजर चुकवून घरातील १० हजारांची रोकड, सोन्या-चांदीचे दागिने असा ८२ हजारांचा ऐवज चोरून नेला आहे. ही घटना २६ ते २७ सप्टेंबरला सिंहगड रस्त्यावरील रामा संस्कृती अपार्टमेंटमध्ये घडली आहे. या प्रकरणी ६५ वर्षीय महिलेने पर्वती पोलिस ठाण्यात फिर्याद दाखल केली आहे. त्यानुसार कामगारावर गुन्हा दाखल करण्यात आला आहे.
पोलिसांनी दिलेल्या माहितीनुसार, तक्रारदार महिलेने काही महिन्यांपूर्वी घरकाम करण्यासाठी एकाला कामावर नियुक्त केले होते. दरम्यान, कामगाराने तक्रारदार ज्येष्ठ महिलेची नजर चुकवून घरातील कपाटात असलेली रोकड, सोन्या-चांदीचे दागिने चोरून नेले. या प्रकरणाची माहिती झाल्यानंतर महिलेने पर्वती पोलिस ठाण्यात धाव घेत तक्रार दाखल केली आहे. पोलिस उपनिरीक्षक इसराईल शेख तपास करीत आहेत.