पुणे, ता. ३ ः शहराच्या वेगवेगळ्या भागांत लावलेले अनधिकृत फ्लेक्स, फलक व बॅनरवर महापालिकेने शुक्रवारी कारवाईचा बडगा उगारला. वेगवेगळ्या भागांतून तब्बल २ हजार ५०० फ्लेक्स, फलक व बॅनर उतरविण्यात आले, तर अनधिकृत फ्लेक्स लावणाऱ्यांविरुद्ध दंडात्मक कारवाई करण्याबरोबरच गुन्हे दाखल करण्याचेही काम महापालिका प्रशासनाकडून केले जाणार आहे.
नवरात्र उत्सव, दसऱ्यासह विविध सण, समारंभ, वाढदिवस तसेच कार्यक्रमाचे फ्लेक्स, फलक व बॅनर शहरातील पथदिव्यांचे खांब, रस्त्यालगत असणारी झाडे, चौक, बसथांब्यांसह विविध ठिकाणी लावण्यात आले होते. त्यामध्ये स्थानिक कार्यकर्त्यांपासून ते विविध पक्षांचे नेते, पदाधिकाऱ्यांच्या वाढदिवसांच्या फ्लेक्सचा समावेश होता. अखेर महापालिकेच्या अतिक्रमण विभागाकडून शहरातील १५ क्षेत्रीय कार्यालयांच्या हद्दीमधील औंध, कोंढवा, खराडी, विमाननगर, सारसबाग, बिबवेवाडी, कोंढवा, धनकवडी या भागात ही कारवाई झाली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.