गरजू महिला उद्योजिकांसाठी उद्या विनामूल्य कार्यशाळा

पुणे, ता. ३ ः गरजू महिला उद्योजिकांसाठी उद्योगवाढीचे तांत्रिक मार्गदर्शन तसेच कृषी प्रक्रिया उद्योग सुरू करण्यासाठी सरकारी योजना, भांडवल उभारणी, मशिन खरेदी, सबसिडी, विक्री व्यवस्था कशी करावी, उत्पादने कुठे व कशी विकावी, आदींबाबत मार्गदर्शन करणारी विशेष विनामूल्य कार्यशाळा उद्या बुधवारी (ता. ५) सकाळ माध्यम संलग्न कौशल्य प्रशिक्षण संस्था एसआयआयएलसी, नामांकित ब्रॅण्ड गुड टू इट व दिल्ली येथील बुद्ध संस्था यांच्या संयुक्त विद्यमाने सकाळनगर येथे सकाळी ११ ते दुपारी २ दरम्यान आयोजिली आहे.
या मार्फत केंद्र सरकारच्या ‘लखपती दीदी’ यांसारख्या योजना राबविण्याचे नियोजन असून, एक उद्योजिका तयार करून तिच्या मागे ४ ते ५ जणांना रोजगार उपलब्ध व्हावा हे उद्दिष्ट आहे. आपण उद्योजिका असाल व त्यासाठी अर्थसाहाय्य मिळविण्याच्या शोधात असाल तर ही कार्यशाळा आपल्यासाठी फायदेशीर आहे. अधिक माहिती व नावनोंदणीसाठी संपर्क ः ९१४६०३८०३१ किंवा ८९५६३४४४७२

कार्यशाळेतील विषय
- गरज, उद्दिष्टे व नियोजनाधारित व्यवसायाची क्षमता बांधणी
- पीएमएफएमई, डीआयसी व खादी ग्रामोद्योग योजना
- अर्थसाहाय्य उपलब्ध संधी व सहकार्य