हडपसर- दानापूर दरम्यान विशेष रेल्वे धावणार

पुणे, ता. ७ ः प्रवाशांची वाढती गर्दी लक्षात घेऊन, रेल्वे प्रशासनाने हडपसर ते दानापूर दरम्यान विशेष रेल्वे चालविण्याचा निर्णय घेतला आहे. यामुळे प्रवाशांची मोठी सोय झाली आहे.
१. गाडी क्रमांक : ०३२०१ / ०३२०२ दानापूर - हडपसर - दानापूर विशेष (प्रत्येकी १फेरी )
दानापूर - हडपसर (०३२०१ ) विशेष रेल्वे ही शुक्रवारी (ता. ९) रोजी रात्री ११ वाजून ४५ मिनिटांनी दानापूर येथून निघेल आणि तिसऱ्या दिवशी सकाळी ८ वाजता हडपसर येथे पोहोचेल. गाडी क्रमांक ०३२०२ हडपसर - दानापूर स्पेशल हडपसर येथून रविवारी (ता. ९) सकाळी १० वाजता सुटेल आणि दुसऱ्या दिवशी सायंकाळी ५ वाजून ४५ मिनिटांनी दानापूर येथे पोहचेल.
२. दानापूर - हडपसर (क्रमांक ०३२०३ ) ही रेल्वे शनिवारी (ता. ८) दानापूरहून रात्री ११ वाजून ४५ मिनिटांनी सुटेल, तिसऱ्या दिवशी सकाळी आठ वाजता हडपसरला पोचेल. हडपसर - दानापूर (क्रमांक ०३२०४ ) ही सोमवारी (ता १०) सकाळी १० वाजता हडपसरहून सुटेल. दुसऱ्या दिवशी सायंकाळी ५ वाजून ४५ मिनिटांनी दानापूर येथे पोहोचेल.
३. दानापूर - हडपसर (क्रमांक ०३२०५) दानापूर येथून रविवारी (ता. ९ ) रात्री ११ वाजून ४५ मिनिटांनी सुटेल. तिसऱ्या दिवशी सकाळी ८ वाजता हडपसर स्थानकावर पोचेल. हडपसर - दानापूर (०३२०६) मंगळवारी (ता. ११ ) हडपसरहून सकाळी १० वाजता सुटेल. दुसऱ्या दिवशी सायंकाळी ५ वाजून ४५ मिनिटांनी दानापूरला पोचेल. या गाडीला आरा, बक्सर, पं. दीनदयाल उपाध्याय जंक्शन, प्रयागराज, सतना, कटनी, जबलपूर, इटारसी, खांडवा, भुसावळ, मनमाड, कोपरगाव, अहिल्यानगर आणि दौंड कॉर्ड लाईन आदी स्थानकावर थांबा देण्यात आला आहे.