थेट इंडस्ट्रीत घ्या डिहायड्रेशनचे प्रशिक्षण

थेट इंडस्ट्रीत घ्या डिहायड्रेशनचे प्रशिक्षण

Published on

निर्जलीकरण व्यवसाय संधींविषयी मार्गदर्शन करणारे प्रशिक्षण थेट निर्जलीकरण उद्योग प्रकल्पात १६ आणि १७ ऑगस्टला आयोजिले आहे. यात निर्जलीकरण म्हणजे काय, या तंत्राचे महत्त्व, उपयोग, व्यवसाय म्हणून तो कसा करावा, निर्जलीकरणासाठीचे प्रमुख घटक, वेगवेगळ्या पद्धती, याद्वारे तयार होणारे घटक पदार्थ व त्याचे उपयोग, उत्पादन व बाजारातील किंमत, निर्जलीकरणासाठी लागणाऱ्या मशिनरी, त्याचा फ्लो चार्ट, उपलब्ध बाजारपेठ, विपणन पद्धती, शासकीय योजना व अनुदान, प्रकल्प उभारण्यासाठी जागेची निवड, अंदाजे गुंतवणूक, प्रकल्प अहवाल इ.विषयी मार्गदर्शन होईल. फळभाज्या, पालेभाज्या, कंद, पानवर्गीय वनस्पती, आयुर्वेदिक वनस्पती, फळे, दुग्धजन्य पदार्थ, मांस, मच्छी, चिकन या पदार्थांचे थेट प्रात्यक्षिक घेण्यात येईल.
संपर्क : ८४८४८११५४४

मुलांसाठी ३ डी प्रिंटिंग तंत्रज्ञान कार्यशाळा
मुलांच्या कलात्मक क्षमतेला नवीन आयाम देण्यासाठी १६ व १७ ऑगस्ट रोजी ३ डी प्रिंटिंग तंत्रज्ञ कार्यशाळा आयोजिली आहे. कार्यशाळेत मुलांना ३ डी प्रिंटिंगची मूलतत्त्वे, FDM प्रिंटरची कामे आणि सुरक्षित वापर याची ओळख, TinkerCAD सारख्या सॉफ्टवेअरच्या माध्यमातून डिजिटल मॉडेल डिझाइन करणे, टॅग, बबल वँड, लिथोफेन चित्र यांसारखी मूळ वस्तू तयार करून स्वतःची मुद्रित वस्तू घेऊन जाण्याची मजा, प्रिंटिंग नियोजन, सलाईसिंग, ट्रबलशूटिंग व पोस्ट-प्रोसेसिंगची कौशल्ये आदी बाबींची मुलांना समजेल अशा सोप्या भाषेत प्रात्यक्षिकांसहीत माहिती दिली जाणार आहे. ही कार्यशाळा इंटरॅक्टिव्ह असणार आहे. प्रत्येक सहभागी व्यक्तीस प्रिंट केलेले मॉडेल मिळणार आहे. कार्यशाळा ६ ते १४ वर्षे वयोगटातील मुलांसाठी योग्य आहे. मुलांमध्ये तंत्रज्ञान, डिझाईन, शैक्षणिक व वैज्ञानिक आवड विकसित करणे हा या कार्यशाळेचा उद्देश आहे.
संपर्क : ८४८४८११५४४

शासकीय निविदा प्रक्रियेतील सहभागी अधिकाऱ्यांसाठी प्रशिक्षण
महानिविदा संकेतस्थळावर निविदा प्रसिद्ध/फ्लॅश करणे याबाबत प्रात्यक्षिकासह मार्गदर्शन करणारे खास अधिकाऱ्यांसाठी आयोजित करण्यात आलेले प्रशिक्षण ३१ ऑगस्ट रोजी आयोजिले आहे. प्रशिक्षणात विविध संकेतस्थळांचा समावेश करण्यात आला आहे. शासकीय निविदा प्रक्रियेत सहभागी असणारे अधिकारी, ग्रामसेवक, संगणक ऑपरेटर, सरकारी कंत्राटदार, स्थापत्य अभियंते व इतर संबंधित अधिकारी यांच्यासाठी प्रशिक्षण उपयुक्त आहे. प्रशिक्षणात निविदा नोटीसची तयारी, निविदा प्रकाशित करण्यासाठी लागणारी कागदपत्रे, संगणक सेटिंग, सॉफ्टवेअर इंस्टॉलेशन, प्री बीड मीटिंग, निविदा उघडण्याची प्रक्रिया, वर्क ऑर्डर इत्यादी बाबींचे प्रशिक्षण देण्यात येणार आहे.
संपर्क : ९३५६९७३४२७

ॲमेझॉनवर विका स्वतःची उत्पादने
ॲमेझॉनवर उत्पादन विकायचे असेल तर त्याची प्रक्रिया काय आहे, नोंदणी कशी करावी, कोणते कागदपत्रे लागतात, किती दिवस लागतात, हे सर्व करून बिझनेस कसा वाढवायचा, ॲमेझॉनवर विक्री करण्यास किती खर्च लागतो, सेलर पोर्टल कसे असायला हवे आदींबाबत प्रत्याक्षिकासह मार्गदर्शन करणारी ऑनलाइन कार्यशाळा ३१ ऑगस्ट रोजी आयोजिली आहे. कार्यशाळेत उत्पादन कसे लिस्ट करावे, डिलिव्हर करावे, रिटर्न्स असतील तर ते कसे हाताळावे, ॲमेझॉन ॲपवरती उत्पादन जास्तीत जास्त कसे दिसतील जेणेकरून विक्री वाढेल, ऑफर कशा ठेवायच्या, उत्पादन स्पॉन्सर कसे करायचे, पेमेंट कसे पाहायचे, तत्काळ सपोर्ट कसा घ्यायचा याबाबत सविस्तर मार्गदर्शन करण्यात येणार आहे.
संपर्क : ९३५६९७३४२७

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com