‘फोक आख्याना’ची उत्सुकता शिगेला
पुणे, ता. १६ : ‘थाट ह्यो जुना, खेळ हा नवा’ अशा संकल्पनेसह आपल्या मराठी मातीतील लोककला नव्या ढंगात सादर करणाऱ्या ‘द फोक आख्यान’ या कार्यक्रमाचे आयोजन ‘सकाळ’ने केले आहे. शुक्रवारी (ता. २२) सायंकाळी ६.३० वाजता स्वारगेटच्या गणेश कला क्रीडा मंच येथे होणाऱ्या या कार्यक्रमाची उत्सुकता शिगेला पोहोचली असून कार्यक्रमाची मोजकीच तिकिटे शिल्लक आहेत.
या कार्यक्रमासाठी ‘लोकमान्य मल्टिपर्पज को-ऑप. सोसायटी लि.’ हे ‘पॉवर्ड बाय’ प्रायोजक आहेत. तसेच, ‘तिकीट खिडकी’ हे ‘तिकीटिंग भागीदार’ आहेत. या कार्यक्रमाची तिकिटे ticketkhidakee.com या संकेतस्थळावर तसेच ‘लोकमान्य मल्टिपर्पज को-ऑप. सोसायटी लि.’च्या सर्व शाखांमध्ये सोमवार ते शनिवार या दिवसांमध्ये सकाळी १० ते सहा या वेळेत उपलब्ध आहेत.
मराठी लोककला म्हणजे आपल्या मातीचा, संस्कारांचा आणि सामूहिक स्मृतींचा श्वास आहे. मात्र, पाश्चात्त्य कलांच्या प्रभावाखाली ही परंपरा हळूहळू इतिहासजमा होताना दिसते. याच पार्श्वभूमीवर, लोककलेची ही मौखिक परंपरा टिकवण्यासाठी आणि तिला पुन्हा एकदा लोकाश्रय मिळवून देण्यासाठी तरुण कलाकारांनी ‘द फोक आख्यान’ या कार्यक्रमाच्या रूपात अनोखी चळवळ उभी केली आहे.
पारंपरिक लोककलेचे खरे सौंदर्य आणि आधुनिक सादरीकरणाचा संगम साधून, गणापासून गोंधळापर्यंतच्या नवीन रचना आणि चाली बांधून या कार्यक्रमात लोककलेचे सादरीकरण केले जाते. तरुण पिढीला अस्सल मराठी परंपरेची ओळख करून देणे, हा या कार्यक्रमाचा मुख्य उद्देश आहे.
‘द फोक आख्यान’ कार्यक्रमाविषयी...
तारीख : शुक्रवार (ता. २२)
वेळ : सायंकाळी ६.३० वाजता
स्थळ : गणेश कला क्रीडा मंच, स्वारगेट
- अधिक माहिती आणि तिकीटासाठी क्यूआर कोड स्कॅन करा
‘लोकमान्य’तर्फे सवलतीत प्रवेशिका
लोककलेच्या परंपरेचे संरक्षण व संवर्धन व्हावे आणि हा वारसा पुढील पिढीला कळावा, या उद्देशाने ‘द फोक आख्यान’ या कार्यक्रमाच्या सशुल्क प्रवेशिका ‘लोकमान्य सोसायटी’च्या ग्राहक व सभासदांसाठी सवलतीत उपलब्ध करून देण्यात आल्या आहेत. या सशुल्क प्रवेशिका ‘लोकमान्य सोसायटी’च्या विविध शाखांमध्ये उपलब्ध असतील. या प्रवेशिकांमधून जमा झालेला निधी लोककल्प फाउंडेशनच्या विविध समाजपयोगी उपक्रमांसाठी दिला जाणार आहे.
‘द फोक आख्यान’ या कार्यक्रमाच्या माध्यमातून मराठी लोककलेचा प्राचीन व वैभवशाली वारसा जतन केला जात आहे. या कार्यक्रमाला पाठिंबा देताना आम्हाला आनंद होत आहे; तसेच लोककल्प फाउंडेशनतर्फे राबवण्यात येत असलेल्या उपक्रमातून आम्ही सामाजिक उत्तरदायित्व निभावत आहोत.
- सुशील जाधव, विभागीय व्यवस्थापक, लोकमान्य मल्टिपर्पज को-ऑप सोसायटी लि.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.