वेदभवन वर्धापनदिनानिमित्त विविध कार्यक्रमांचे आयोजन
पुणे, ता. १५ : श्री घैसास गुरुजी वेदपाठशाळेच्या वेदभवनचा ३६व्या वर्धापनदिनानिमित्त विविध धार्मिक व सांस्कृतिक कार्यक्रमाचे आयोजन केले आहे. हा कार्यक्रम श्री घैसास गुरुजी वेदपाठशाळा वेदभवन येथे २६ ऑक्टोबर ते ५ नोव्हेंबर दरम्यान होणार आहे. यामध्ये चतुर्वेदांची पारायणे, ऋग्वेद संहिता स्वाहाकार, विविध देवता याग अशी धार्मिक अनुष्ठाने आणि सायंकाळी कीर्तने, प्रवचने असे कार्यक्रमाचे स्वरूप आहे. वेदपाठशाळेच्या या कार्यक्रमांना सर्व नागरिकांनी उपस्थित राहून वेदमंत्र श्रवण करून वेदांचे आशीर्वाद प्राप्त करून घ्यावेत, असे आवाहन वेदभवनचे प्रधानाचार्य मोरेश्वर विनायक घैसास गुरुजी यांनी केले आहे.
रविवार (ता. २६) सकाळी वेदध्वजवंदन होईल, त्यानंतर ऋग्वेद संहिता स्वाहाकारास प्रारंभ होईल. रोज सकाळी ७:३० ते १२:३० या वेळेत हे धार्मिक कार्यक्रम असेल. २८ ते ३१ ऑक्टोबर या काळात डोंबिवलीमधील कीर्तनकार कैलासबुवा खरे यांचे सुश्राव्य कीर्तन सायंकाळी ५ ते ७ या वेळेत होणार आहेत. १ व २ नोव्हेंबर या दिवशी प्रवचनकार व वेदशास्त्रांचे अभ्यासक प्रणव गोखले यांची प्रवचने होतील. असे विविध कार्यक्रम आयोजित केले आहेत, असेही घैसास गुरुजी यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.