पिस्तूल बाळगणाऱ्या सराईताला अटक

पुणे, ता. २९ : देशी बनावटीचे पिस्तूल बाळगणाऱ्या सराईत गुन्हेगाराला गुन्हे शाखेने अटक केली आहे. त्याच्याकडून देशी बनावटीच्या पिस्तुलासह दोन काडतुसे जप्त केली आहेत.
नरेंद्र महादेव बलकवडे (वय ३५, रा. मेहेंदळे गॅरेजजवळ, एरंडवणे) असे अटक केलेल्याचे नाव आहे. बलकवडे हा सराईत गुन्हेगार आहे. गुन्हे शाखेच्या युनिट तीनमधील पोलिस कर्मचारी नितीन जगदाळे, तुषार किंद्रे हे दत्तवाडी परिसरात गस्त घालत होते. त्यावेळी बलकवडे हा दत्तवाडी ते दांडेकर पुलादरम्यान असलेल्या रस्त्यावर थांबला असून, त्याच्याकडे पिस्तूल असल्याची माहिती त्यांना मिळाली. त्यानंतर पोलिसांच्या पथकाने बलकवडेला पकडले. त्याच्याकडून देशी बनावटीचे पिस्तूल आणि दोन काडतुसे जप्त केली.