पुस्तक महोत्सवाला मुख्यमंत्री आज देणार भेट

पुणे, ता. १४ : राष्ट्रीय पुस्तक न्यासातर्फे आयोजित पुणे पुस्तक महोत्सवाला मुख्यमंत्री देवेंद्र फडणवीस सोमवारी (ता. १५) भेट देणार आहेत. यावेळी महोत्सवाचे मुख्य संयोजक राजेश पांडे लिखित ‘गिनिजगाथा’ या पुस्तकाचे प्रकाशन फडणवीस यांच्या हस्ते दुपारी दोन वाजता फर्ग्युसन महाविद्यालयाच्या मैदानात होणार आहे.
मेहता प्रकाशनातर्फे हे पुस्तक प्रकाशित करण्यात आले आहे. लोकसहभागातून साकारलेल्या १२ विश्वविक्रमांचा प्रवास या पुस्तकात मांडला आहे. महोत्सवात गेल्या दोन वर्षात नऊपेक्षा जास्त गिनीज विश्वविक्रम साकारण्यात आले आहेत. या पुस्तक प्रकाशन सोहळ्याला उच्च व तंत्रशिक्षण मंत्री चंद्रकांत पाटील, केंद्रीय नागरी हवाई वाहतूक राज्यमंत्री मुरलीधर मोहोळ, पुस्तक न्यासाचे अध्यक्ष मिलिंद मराठे आणि संचालक युवराज मलिक उपस्थित राहणार आहेत. यावेळी फडणवीस महोत्सवाला भेट देऊन, प्रकाशक आणि वाचकांशी संवाद साधणार आहेत.
......
आजचे कार्यक्रम (सोमवार)

* पुस्तक प्रदर्शन
- फर्ग्युसन कॉलेज मैदान : वेळ ः सकाळी १० ते रात्री १०

*सांस्कृतिक कार्यक्रम :
- निरंतर : वेळ- सायंकाळी ६ ते रात्री ८
- फोक लोक : वेळ ः रात्री ८

*कार्यशाळा आणि कार्यक्रम :
- स्टेज-अ-स्टोरी – स्नेहा आणि रम्या : वेळ- सकाळी १० ते १०.४०
- फ्रेंच–इंग्लिश इंटरअॅक्टिव्ह स्टोरी सेशन -‘लिट्ल टेल्स फ्रॉम द फ्रँकोफोन वर्ल्ड’ अ‍ॅलायन्स फ्राँसे डे पुणे : वेळ- सकाळी १०.५० ते ११.३०
- कार्टून मास्टरक्लास-अजित नारायण : वेळ- सकाळी ११.४० ते दुपारी १२.२०
- क्ले आर्ट- मिलिंद मिसळ : वेळ- दुपारी १२.३० ते १.१०
- ओरिएंटेशन - राष्ट्रीय ई-पुस्तकालय : वेळ- दुपारी १.२० ते १.३५
.......