पुणे, ता. १६ : जयवंत शिक्षण प्रसारक मंडळाच्या (जेएसपीएम) जयवंत पब्लिक स्कूल (हडपसर) येथील विद्यार्थ्यांनी चाइल्ड रोड सेफ्टी अवेअरनेस कॉम्पिटिशन २०२५’मध्ये आंतरराष्ट्रीय स्तरावर विश्व विजेतेपद पटकाविले आहे. या विजेत्या विद्यार्थ्यांचा ‘जेएसपीएम’चे संस्थापक सचिव आणि माजी मंत्री डॉ. तानाजी सावंत यांच्या हस्ते सत्कार करण्यात आला.
युनायटेड वे मुंबई आणि टोटल एनर्जीस् यांच्या संयुक्त विद्यमाने ‘व्हीआयए चाइल्ड रोड सेफ्टी’ कार्यक्रमांतर्गत आयोजित या स्पर्धेत २४ देशांमधील संघ सहभागी झाले होते. ‘जेएसपीएम’च्या विजयी संघात श्रावणी तडसरे, राज रणवरे, अदिती गुंड, गार्गी कुलकर्णी आणि तनिष्का लोलप या इयत्ता आठवीच्या विद्यार्थ्यांचा समावेश होता. स्पर्धेत
पोस्टर निर्मिती, सादरीकरण, प्रश्नमंजूषा आणि रस्ता सुरक्षा प्रात्यक्षिक सत्रांमध्ये विद्यार्थ्यांनी आपले कौशल्य आणि सृजनशीलता प्रभावीपणे सिद्ध केली. या विद्यार्थ्यांना शाळेच्या प्राचार्या मौसमी चौधरी, समन्वयक शरयू पवार, सहशिक्षक मनिषा चौगुले आणि तेजस देवल यांनी मार्गदर्शन केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.