नामांकित विद्यापीठांसमवेत ‘बेण्‍टली सिस्‍टम्‍सचा करार

पुणे, ता. १७ : बेण्‍टली सिस्‍टम्‍स, इन्‍कॉर्पोरेटेड या बांधकाम इंजिनिअरिंग सॉफ्टवेअर कंपनीने सिंबायोसिस इन्स्टिट्यूट ऑफ टेक्‍नॉलॉजी आणि सीओईपी तंत्रशास्त्र विद्यापीठ यांच्‍यासोबत सामंजस्‍य करार केला आहे.
‘बेण्‍टली’ने प्रत्‍येक कॅम्‍पसमध्‍ये ‘सेंटर ऑफ इन्‍फ्रास्‍ट्रक्‍चर इनोव्‍हेशन’ स्थापन करण्यासाठी सिंबायोसिस आणि सीओईपी यांच्या समवेत सहयोग केला आहे. या केंद्रांद्वारे कृत्रिम बुद्धिमत्ता आणि डिजिटल तंत्रज्ञानांचा वापर करत शाश्वत पायाभूत सुविधा डिझाइन, डिजिटल बांधकाम आणि मालमत्ता जीवनचक्र व्‍यवस्‍थापनामध्‍ये प्रगत शिक्षण आणि संशोधनावर लक्ष केंद्रित करणार आहे. विद्यार्थी आणि प्राध्‍यापकांना बेण्‍टलीच्‍या सॉफ्टवेअरचा प्रत्‍यक्ष अनुभव मिळू शकणार आहे.
बेण्‍टलीमार्फत सिंबायोसिस आणि सीओईपी यांच्यासमवेत काम करत अभ्यासक्रमाला प्रगत करेल. याद्वारे अनुभवात्‍मक अध्‍ययन उपक्रमांचा विस्‍तार होऊ शकेल. ‘बेण्‍टली सिस्‍टम्‍स’चे दक्षिण आशियामधील प्रादेशिक कार्यकारी कमलकन्‍नन थिरूवदी म्हणाले, ‘‘सिंबायोसिस इन्स्टिट्यूट ऑफ टेक्‍नॉलॉजी आणि सीओईपी तंत्रज्ञान विद्यापीठासमवेत सहयोगातून भारतातील भावी अभियंत्यांना सक्षम करण्यासाठी आम्ही कटिबद्ध आहोत.’’
‘सिंबायोसिस’चे संस्थापक-अध्यक्ष डॉ. शां. ब. मुजुमदार म्हणाले, ‘‘हे केंद्र शैक्षणिक संस्‍था आणि उद्योगामधील तफावत दूर करण्‍यासाठी मदत करेल. या सहयोगाने विद्यार्थ्‍यांना जागतिक स्‍तरावरील ज्ञान आणि तंत्रज्ञानाचा व्यावहारिक अनुभव मिळेल.’’ ‘सीओईपी’चे कुलसचिव डॉ. डी. एन. सोनावणे म्‍हणाले,‘‘याद्वारे विद्यार्थ्‍यांना अत्‍याधुनिक डिजिटल तंत्रज्ञानांचा प्रत्‍यक्ष अनुभव घेता येईल.’’