चंदननगरमध्ये तरुणावर वार करणाऱ्याला अटक

पुणे, ता. १७ ः जुन्या भांडणाच्या रागातून तरुणावर वार करणाऱ्या हल्लेखोराला चंदननगर पोलिसांनी अटक केली आहे. ही घटना १६ डिसेंबर रोजी घडली आहे. अमोल शहाजी नलगे (वय ४०, रा. चंदननगर) असे अटक केलेल्याचे नाव आहे. याप्रकरणी वडगावशेरीत राहणाऱ्या तरुणाने चंदननगर पोलिस ठाण्यात फिर्याद दाखल केली आहे.
पोलिसांनी दिलेल्या माहितीनुसार, तक्रारदाराचे काही दिवसांपूर्वी आरोपी अमोल नलगे याच्यासोबत वादविवाद झाले होते. त्याच रागातून आरोपीने तक्रारदाराला गाठले. त्याच्यावर लोखंडी हत्याराने वार करून गंभीररीत्या जखमी केले आहे. याप्रकरणी सहाय्यक पोलिस निरीक्षक गणेश जगदाळे तपास करीत आहेत.