अठरा मजल्‍यावरील इमारतीवरून मांजराची सुटका

पुणे, ता. १७ : सिंहगड रस्‍त्‍यावरील गार्डियन सिटीस्केप सोसायटीतील ‘सी’ इमारतीच्‍या १८व्या मजल्यावरील टेरेसवर दोन दिवसांपासून अडकलेल्‍या मांजराची अखेर अग्निशमन दल व सोसायटीमधील सदस्‍यांनी सुमारे एक तास प्रयत्‍न करून बुधवारी सुटका केली. अग्निशमन दलातील जवान नीलेश माने यांनी टेरेसवरील एअर-कंडिशनर युनिटच्या मागे लपलेल्‍या मांजराची सुटका केली. सोसायटीचे अध्यक्ष डॉ. भूषण किन्होळकर, सदस्‍य कौस्तुभ लगावणकर, मालमत्ता व्यवस्थापक अनिकेत चव्हाण यांनी त्‍यासाठी प्रयत्‍न केले.