गुरुपौर्णिमेनिमित्त नाथ पुरस्कारांचे वितरण

पुणे, ता. १० ः ‘‘गुरू हे शिष्याला ज्ञानासह जीवनदृष्टी देत असतात. गुरूंच्या आशीर्वादामध्ये सामर्थ्य असते; त्यामुळेच गुरूंचा आशीर्वाद मोलाचा ठरतो’’, असे मत सद्‍गुरु भाऊ महाराज यांनी व्यक्त केले.
गोवा येथील विश्वशांती दूत सद्‍गुरू पारवडेश्वर महाराज ट्रस्टच्या पुणे शाखेतर्फे गुरुपौर्णिमेनिमित्त २५व्या नाथ पुरस्कार सोहळ्याचे आयोजन करण्यात आले होते. त्यावेळी ते बोलत होते. यावेळी ज्येष्ठ इतिहास संशोधक पांडुरंग बलकवडे यांना ‘मच्छिंद्रनाथ पुरस्कार’, अभिनेते-दिग्दर्शक प्रवीण तरडे यांना ‘शौर्य पुरस्कार’, बांधकाम व्यावसायिक सूर्यकांत काकडे यांना ‘गोरक्षनाथ पुरस्कार’, महापालिकेच्या नगरसचिव योगिता भोसले यांना ‘राजमाता जिजाऊ पुरस्कार’ यांच्यासह विविध क्षेत्रांतील व्यक्तींना पुरस्कारांचे वितरण करण्यात आले. याप्रसंगी कोहिनूर ग्रुपचे अध्यक्ष कृष्णकुमार गोयल, माजी महापौर प्रशांत जगताप, मराठा महासंघाचे राजेंद्र कोंढरे, ट्रस्टच्या पुणे शाखेचे कार्याध्यक्ष बाळासाहेब अमराळे, दीपक दाते उपस्थित होते.