श्री सादडी-राणकपूर जैन संघाच्या अध्यक्षपदी रमेश पोरवाल

पुणे, ता. ३१ : ‘श्री सादडी-राणकपूर जैन संघ पुणे’ची २०२५ ते २०२७ या कालावधीसाठीची कार्यकारिणी नुकतीच जाहीर करण्यात आली आहे. श्री सादडी-राणकपूर जैन संघ पुणेच्या अध्यक्षपदी रमेश पोरवाल यांची, तर अशोक नाहर यांची उपाध्यक्ष म्हणून निवड करण्यात आली आहे.
या नव्या कार्यकारिणीमध्ये किशोर पुनमिया यांची सचिव, अनिल रांका यांची कोषाध्यक्ष आणि केतन मेहता यांची सहसचिवपदी नियुक्ती करण्यात आली आहे. तर कार्यकारिणी सदस्य म्हणून अभिषेक जैन, अजित सोलंकी, आनंद परमार, अमित मुथा, हरीश कावेडिया, कामित रांका, निखित बंबोली, महेंद्र पालरेचा, ललित पोरवाल आणि श्रीपाल ओसवाल यांची निवड करण्यात आली आहे.
समाजातील सर्व वयोगटांतील सदस्यांना एकत्र आणणे, आरोग्यदायी जीवनशैलीला प्रोत्साहन देणे आणि आपली सांस्कृतिक परंपरा जपणे हा उद्देश डोळ्यासमोर ठेवून नव्याने स्थापन झालेल्या कार्यकारिणी समितीच्या पुढाकाराने शहरात विविध क्रीडा व सांस्कृतिक कार्यक्रमांचे आयोजन करण्यात येणार आहे. तसेच पुणे शहरात सध्या श्री सादडी-राणकपूर जैन संघाची सुमारे ५५० कुटुंबे आणि २५०० सदस्य स्थायिक आहेत. त्यांच्या एकात्मतेसाठी व सहभागासाठी समिती विविध उपक्रम राबवत आहे.