ट्रॅव्हल्स बसमध्ये विसरलेली पर्स पोलीस नाईक सुशांत धुमाळ यांच्या प्रयत्नाने महिलेस परत

पोलिसांच्या तत्परतेने मिळाली पर्स

प्रवासादरम्यान महिला विसरली आराम बसमध्येच साहित्य

आनेवाडी, ता. १५ : भुईंज पोलिस ठाण्यात नेमणुकीस असलेले वाहतूक शाखेतील कर्मचारी सुशांत धुमाळ यांच्या अथक प्रयत्नामुळे आराम बसमध्ये विसरलेली पैशांची पर्स एका महिलेस परत मिळाली.
आसरे (ता. वाई) येथील रहिवासी कविता शिवराज सणस या आपल्या मुलींच्या शाळेची फी भरण्यासाठी वाई येथे आराम बसने प्रवास करत असताना त्यांनी पैशांची पर्स असलेली बॅग बसमध्येच विसरली होती. पर्समध्ये १३ हजार ५०० रुपये रोख रक्कम, महत्त्वाची कागदपत्रे व कपडे होते.
ही बाब लक्षात येताच पोलिस कर्मचारी सुशांत धुमाळ यांनी तत्काळ तपास करून संबंधित बसचा शोध घेतला. सहायक पोलिस निरीक्षक पृथ्वीराज ताटे यांच्या मार्गदर्शनाखाली ही पर्स मिळवून महिलेस समक्ष परत करण्यात आली.
वाईचे पोलिस उपअधीक्षक सुनील साळुंखे, भुईंजचे प्रभारी अधिकारी सहायक पोलिस निरीक्षक पृथ्वीराज ताटे, तसेच पोलिस उपनिरीक्षक पतंगराव पाटील व सूरज शिंदे यांनी सुशांत धुमाळ यांच्या प्रामाणिकपणा व तत्परतेबद्दल अभिनंदन केले.
बॅग मिळण्यासाठी टोलनाका व्यवस्थापनाचे श्री. गांधी, तसेच त्यांचे कर्मचारी अविनाश फरांदे, राजेंद्र भोसले, मिथुन चौगुले, बिपिन मनोज भिलारे, वैभव किर्दत, भुईंज पोलिस ठाण्याचे रोहन चव्हाण, अजित पवार यांचे सहकार्य लाभले.

----------------------------

02279
भुईंज : कविता सणस यांना बॅग परत देताना सुशांत धुमाळ. त्या वेळी पृथ्वीराज ताटे.
-----------------------------