लूटमार करणारी टोळी येरवड्यात गजाआड

विश्रांतवाडी, ता. ३ : येरवडा परिसरात लूटमार करणाऱ्या टोळीला पोलिसांनी गजाआड केले. आकाश राजूसिंग बावरी (वय २८), सोनूसिंग दीपकसिंग बावरी (वय २०), जोगिंदरसिंग जग्गीसिंग बावरी (वय ३८) आणि विनयसिंग विनोदसिंग बावरी (वय २९, चौघे रा. येरवडा) अशी अटक केलेल्यांची नावे आहेत. येरवड्यातील छत्रपती संभाजी महाराज उड्डाणपुलावर आरोपींनी एकाला मारहाण करून सोनसाखळी आणि अंगठी असा ऐवज लुटून नेला होता. आरोपी बावरी हा परगावी पसार होण्याच्या तयारीत असल्याची माहिती पोलिस अंमलदार अक्षय शिंदे आणि जायभाय यांना मिळाली. त्यानंतर सापळा लावून पोलिसांनी चारही आरोपींना अटक केली. परिमंडळ चारचे पोलिस उपायुक्त सोमय मुंडे, सहायक आयुक्त प्रांजली सोनवणे यांच्या मार्गदर्शनाखाली वरिष्ठ पोलिस निरीक्षक रवींद्र शेळके, पोलिस निरीक्षक विजय ठाकर, उपनिरीक्षक महेश फटांगरे, उपनिरीक्षक प्रदीप सुर्वे यांच्यासह पथकाने ही कामगिरी केली.
-----