पंढरपूर शहरातील सहा गुन्हेगार एक वर्षासाठी हद्दपार

पंढरपुरातील सहा जण
सोलापूर जिल्ह्यातून हद्दपार

पंढरपूर, ता. २७ : दोन पेक्षा अधिक विविध प्रकारचे गुन्हे दाखल असलेल्या पंढरपूर शहरातील सहा आरोपींना एक वर्षासाठी सोलापूर जिल्ह्यातून हद्दपार करण्याची कारवाई करण्यात आली आहे.
यामध्ये राजेंद्र गौतम कावरे (रा. हनुमान मैदान पंढरपूर), दर्शन ऊर्फ कौस्तुभ संतोष बंडगर (रा. धुंडा महाराज मठा समोर पंढरपूर), पवन अनिल अधटराव (रा. मटन मार्केट जवळ पंढरपूर), कार्तिक नागेश सुरवसे (रा. धुंडा महाराज मठासमोर पंढरपूर), अक्षय हरिभाऊ गवळी (रा. हनुमान मैदान जवळ पंढरपूर), ओम ऊर्फ ओके गणेश कोळी या सहा आरोपींना पोलिसांनी ताब्यात घेऊन त्यांना हद्दपारची नोटीस देण्यात आली आहे. ही कारवाई जिल्हा पोलिस अधीक्षक अतुल कुलकर्णी यांच्या मार्गदर्शनाखाली पंढरपूर शहर पोलिस ठाण्याचे वरिष्ठ पोलिस निरीक्षक विश्वजीत घोडके यांनी केली आहे.