वैराग बस स्थानकातून महिलेच्या हातातील सोन्याची पाटली चोरी

बसमध्ये चढताना
पाटली चोरली
वैराग ः वैराग बसस्थानकावरून धाराशिवकडे जाणाऱ्या बसमध्ये चढत असताना गर्दीचा फायदा घेऊन महिलेच्या हातातील ३० ग्रॅम वजनाची सोन्याची पाटली चोरून नेल्याप्रकरणी वैराग पोलिसांत गुन्हा दाखल करण्यात आला आहे. ही घटना शनिवारी सकाळी साडेअकरा वाजण्याच्या सुमारास वैराग बसस्थानकावर घडली. शोभा विठ्ठल मोहिते (रा. दत्त नगर, वैराग) असे फिर्यादी महिलेचे नाव आहे. फिर्यादी महिला ही पतीसह मुलीला भेटण्यासाठी धाराशिव येथे जाण्यासाठी वैराग बसस्थानकावर शनिवारी सकाळी आली होती. साडेअकरा वाजण्याच्या सुमारास धाराशिव येथे जाणारी गाडी आली. धाराशिवकडे जाणाऱ्या बसमध्ये चढत असताना गर्दीचा फायदा घेऊन कोणीतरी अज्ञात चोरट्याने सुमारे ९६ हजार रुपये किमतीची ३० ग्रॅमची उजव्या हातातील सोन्याची पाटली चोरुन नेली आहे.