वाई:-विद्यापीठाच्या प्रिन्सिपॉल एस.व्ही.आपटे व्याख्यानमालेंतर्गत ''किसन वीर''मध्ये डॉ.भारत पाटणकर यांचे व्याख्यान ''कायदा व समाज'' या विषयावर व्याख्यान.

डॉ. भारत पाटणकरांचे
उद्या वाईत व्याख्यान

वाई : येथील जनता शिक्षण संस्थेच्या किसन वीर महाविद्यालयामध्ये शिवाजी विद्यापीठाच्या ‘प्रिन्सिपॉल एस. व्ही. आपटे’ व्याख्यानमाला अंतर्गत बुधवारी (ता. १७) सकाळी ११ वाजता डॉ. भारत पाटणकर यांचे ‘कायदा व समाज’ विषयावर व्याख्यान आयोजित करण्यात आले आहे. महाविद्यालयास शिवाजी विद्यापीठ, कोल्हापूर अंतर्गत राबविण्यात येणाऱ्या ‘प्रिन्सिपॉल एस. व्ही. आपटे व्याख्यानमाला’चे आयोजन करण्याचा मान मिळाला आहे. व्याख्यानमालेत ज्येष्ठ विचारवंत, साहित्यिक व समाजसेवक, श्रमिक मुक्ती दलाचे अध्यक्ष डॉ. भारत पाटणकर हे प्रमुख वक्ते म्हणून ‘कायदा व समाज’ या विषयावर महाविद्यालयाच्या सभागृहात मार्गदर्शन करणार आहेत. कार्यक्रमाचे अध्यक्षस्थान प्राचार्य डॉ. गुरुनाथ फगरे भूषविणार असून, संस्थेचे अध्यक्ष मदन भोसले, सचिव डॉ. जयवंत चौधरी, खजिनदार प्रा. नारायण चौधरी, सर्व संचालक व शिवाजी विद्यापीठ, कोल्हापूर प्रतिनिधी यांची प्रमुख उपस्थिती असणार आहे. या व्याख्यानासाठी उपस्थित राहावे, असे आवाहन निमंत्रक प्राचार्य डॉ. गुरुनाथ फगरे व समन्वयक डॉ. बाळकृष्ण मागाडे यांनी केले आहे.

---