भेंडी, गवार, फ्लॉवर, कोबी, शेवग्याचे भाव वाढले

मार्केट यार्ड, ता. २९ : गुलटेकडी येथील मार्केट यार्डात भेंडी, गवार, फ्लॉवर, कोबी, शेवगा आणि शिमला मिरचीच्या भावात वाढ झाली असून टोमॅटोच्या भावात घट झाली आहे, तर इतर सर्वच फळभाज्यांचे भाव स्थिर असल्याची माहिती व्यापाऱ्यांनी दिली.
मार्केट यार्डात रविवारी (ता. २९) राज्याच्या विविध भागांसह परराज्यांतून सुमारे ८० ते ९० ट्रक इतकी फळभाज्यांची आवक झाली.
परराज्यांतून झालेल्या आवकेमध्ये कर्नाटक आणि गुजरात येथून कोबी ३ ते ४ टेम्पो, आंध्र प्रदेश आणि तमिळनाडू येथून शेवगा ३ ते ४ टेम्पो, इंदूर येथून गाजर ९ ते १० टेम्पो, कर्नाटकातून घेवडा २ ते ३ टेम्पो, हिमाचल प्रदेश ३ टेम्पो मटार, आंध्रप्रदेश आणि तमिळनाडू येथून कैरी २ ते ३ टेम्पो, मध्यप्रदेश येथून लसूण सुमारे ९ ते १० टेम्पो तर इंदूर, आग्रा व स्थानिक भागातून बटाट्याची ४० ते ४५ टेम्पो इतकी आवक झाली होती.
स्थानिक भागातून झालेल्या आवकेमध्ये सातारी आले सुमारे ४०० ते ५०० गोणी, भेंडी ६ ते ७ टेम्पो, गवार ६ ते ७ टेम्पो, टोमॅटो ८ ते १० हजार क्रेट, हिरवी मिरची ३ ते ४ टेम्पो, काकडी ५ ते ६ टेम्पो, फ्लॉवर ८ ते १० टेम्पो, कोबी ५ ते ६ टेम्पो, ढोबळी मिरची ७ ते ८ टेम्पो, भुईमूग शेंग १०० ते १२५ गोणी, तांबडा भोपळा १० ते १२ टेम्पो, तर कांद्याची सुमारे ७५ ते ८० टेम्पो इतकी आवक झाल्याची माहिती ज्येष्ठ अडते विलास भुजबळ यांनी दिली.

फळभाज्यांचे दहा किलोचे भाव : कांदा : १५०-१८०, बटाटा : १४०- २१०, लसूण : ३००- ९००, आले : सातारी: २५०-२८०, भेंडी : ४००-७००, गवार : ७००- ९००, टोमॅटो : १००- १८०, दोडका : ४००-६००, हिरवी मिरची : ४००-५००, दुधी भोपळा
: १००-२००, चवळी : ३००-३५०, काकडी : २५०-३५०, कारली : हिरवी ३५०-४००, पांढरी : २५०-३००, पापडी : ४००-५००, पडवळ : २५०-३००, फ्लॉवर : २००-२५०, कोबी : १४०- १८०, वांगी : ४००-७००, डिंगरी : ४००-५००, नवलकोल : १००-१२०, ढोबळी मिरची : ७००- ७५०, तोंडली : कळी : ४०० - ४५०, जाड : २०० -२२०, शेवगा : ७००-१०००, गाजर : २००-२५०, वालवर : ७००-८००, बीट : १५०-२००, घेवडा : ९००-१०००, कोहळा : १००- १५०, आर्वी : २५०-३००, घोसावळे : २५०-३००, ढेमसे : ३००-३५०, भुईमूग शेंग : ४००-५००, मटार : परराज्य : १२००-१३००, पावटा : ७००-८००, तांबडा भोपळा : १००-१५०, तोतापुरी कैरी : २५०-३५०, सुरण : १८०-२००, मका कणीस : ५०-१००, नारळ (शेकडा) : १०००- १६००.

कोथिंबीर, चाकवत, चुका, पुदिन्याच्या भावात वाढ
मार्केट यार्डात मागणीच्या तुलनेत पालेभाज्यांची आवक तुलनेने घटल्याने कोथिंबीर, चाकवत, पुदीना आणि चुक्याच्या भावात वाढ झाली असून करडईच्या भावात घट झाली आहे. तर मेथी, शेपू, कांदापात, अंबाडी, मुळे, राजगिरा, चवळई आणि पालकचे भाव स्थिर असल्याची माहिती व्यापाऱ्यांनी दिली.
मार्केट यार्ड घाऊक बाजारात रविवारी कोथिंबिरीची सुमारे दीड लाख जुडी, तर मेथीची २० ते २५ हजार जुडींची आवक झाली होती.
पालेभाज्यांचे शेकड्यातील भाव : कोथिंबीर : ८०० ते १५००, मेथी : ८००- १५००, शेपू : ८००- १५००, कांदापात : १०००-१५००, चाकवत : ५००-८००, करडई : ३००-७००, पुदिना : ८००-१०००, अंबाडी : ४००-७००, मुळे : ८००-१५००, राजगिरा : ३००- ७००, चुका : ५००-१०००, चवळई : ३००-७००, पालक : १५००-२०००.

पपई, खरबूज, कलिंगडाच्या भावात वाढ
मार्केट यार्ड बाजार समितीच्या फळ बाजारात पावसामुळे काही फळांची आवक कमी झाली आहे. त्यामुळे पपई, खरबूज, कलिंगडाच्या भावात किलोमागे २ ते ४ रुपयांनी वाढ झाली होती. लिंबाची आवक वाढल्याने पावसामुळे डाळिंबाची आवकही वाढली असून बाजारात दाखल डाळिंबपैकी ८० ते ८५ टक्के डाळिंब हलक्या दर्जाचे आहेत. त्यामुळे चांगल्या प्रतीच्या डाळिंबाला चांगला भाव मिळत आहे. लिंबाला मागणी नसल्याने भावात गोणीमागे १०० ते १५० रुपये घट झाली होती. मागणी आणि पुरवठा यातील समतोलामुळे उर्वरित फळांचे भाव मागील आठवड्याच्या तुलनेने
स्थिर असल्याचे व्यापाऱ्यांनी सांगितले.

मार्केट यार्ड फळबाजारात रविवारी मोसंबी १५ ते २० टन, संत्री एक ते दीड टन, डाळिंब ४० ते ४५ टन, पपई १५ ते २० टेम्पो, लिंबे सुमारे एक ते दीड ते दोन हजार गोणी, कलिंगड २ ते टेम्पो, खरबूज २ ते ३ टेम्पो, चिकू ५ ते ६ टन, पपई १५ २० टेम्पो, पेरू ३०० ते ४०० क्रेटस, अननस ५ ट्रक, सीताफळ १ टन क्रेटस्, तर जांभळाची १० ते १५ पिकअप इतकी आवक झाली होती.
फळांचे भाव पुढीलप्रमाणे - लिंबे (प्रतिगोणी) : १००-३००, मोसंबी : (३ डझन) : १८०-३२०, (४ डझन) : १००-२००, संत्री : (१० किलो) : ३००-१०००, डाळिंब (प्रतिकिलो) : भगवा : ६०-२००, आरक्ता : १०-६०, गणेश : ५-३०, कलिंगड : १५-२२, खरबूज : १५-२०, पपई : १५- २०, चिक्कू (दहा किलो) : ३००-५००, पेरू (२० किलो) : ३००-५००, अननस (१ डझन): १००-६००, सीताफळ (१ किलो) : २०-१५०. जांभूळ ८० ते १६०.

फुलांची आवक वाढली
मार्केट यार्ड फूल बाजारात मागील आठवड्याच्या तुलनेत फुलांची आवक वाढली होती. पाऊस असल्याने सध्या ओल्या फुलांची आवक होत असून त्यास मागणी कमी असल्याने मागील आठवड्याच्या तुलनेत दरात १० टक्क्यांनी घट झाल्याची माहिती व्यापाऱ्यांनी दिली.
फुलांचे प्रतिकिलोचे दर पुढीलप्रमाणे : झेंडू : १०-३०, गुलछडी : ३०-५०, अ‍ॅष्टर : जुडी २०-३०, सुट्टा : ५०-८०, कापरी : ५०-८०, शेवंती : ४०-६०, (गड्डीचे भाव) गुलाबगड्डी : १०-२०, गुलछडी काडी : २०-३०, डच गुलाब (२० नग) : ५०-१००, जरबेरा : ३०-४०, कार्नेशियन : १००-१५०, शेवंती काडी : १५०-२५०, लिलियम : (१० काड्या) ८००-१०००, ऑर्चिड : ४००-५००, ग्लॅडिओ (१० काड्या) : ८०-१२०, जिप्सोफिला : १५०-२००, मोगरा : ४००-५००.