अंडी शेकड्यामागे ५० रुपयांनी स्वस्त

मार्केट यार्ड, ता. २० : पूर्व किनारपट्टीवरून गणेश पेठेतील मासळी बाजारात मासळीची आवक चांगल्या प्रमाणात सुरू झाली आहे. आखाड महिन्यामुळे मासळीला मागणीदेखील चांगली आहे. त्यामुळे भाव तेजीत आहेत. अंडी शेकड्यामागे ४० ते ५० रुपयांनी स्वस्त झाली आहेत, तर मागील आठवड्याच्या तुलननेने स्थिर मागणीच्या तुलनेने पुरवठा सुरळीत असल्याने मटन, चिकन, गावरान अंडी भाव स्थिर होते.
गणेश पेठेतील मासळी बाजारात रविवारी (ता. २०) खोल समुद्रातील मासळी १० ते १५ टन, खाडीच्या मासळीची ३०० ते ४०० किलो आणि नदीच्या मासळीची दोन ते तीन टन इतकी आवक झाली. आंध्र प्रदेश येथून रहू, कटला आणि सिलनची सुमारे १५ ते २० टन इतकी आवक झाली.
खोल समुद्रातील मासळी (प्रतिकिलोचे दर) - पापलेट : कापरी : १६००-१८००, मोठे : १६००-१८००, मध्यम : १५००-१६००, लहान : ११००-१२००, भिला : ८००-१०००, हलवा : ९००-११००, सुरमई : १०००-१४००, रावस : ९००-११००, घोळ : ९००-१०००, करली : ४००-५००, ओले बोंबील : ४००-५००. कोळंबी : लहान : २८०-३६०, मोठी : ५००-८००, जम्बो प्रॉन्स : १६००- १८००, किंग प्रॉन्स : ९००-१०००, लॉबस्टर : २०००-२२००, मोरी : ४००-५००, मांदेली : १५०-२००, चिंबोऱ्या : ६००-७००, राणीमासा : ४००-४५०, खेकडे : ४००-४५०. खाडीची मासळी - सौंदाळे : ४००-४५०, खापी : ४००-४५०, नगली : ४००-५००, तांबोशी : ५००-६००, पालू : ३००-३५०, लेपा : २५०-३००, बांगडा : ३००-३५०, बेळुंजी : २००-२५०, खुबे : १५०. तिसऱ्या : २५०-३००, शेवटे : ३००-३५०, तारली : २००-२५०. नदीतील मासळी : रहू : स्थानिक : ३००-३५०, आंध्र : १४०-१८०, कतला : स्थानिक ३००-३५०, आंध्र : १४०-१८०, सिलन : १२०-१४०, मरळ : ४००-४५०, शिवडा : २५०-३००, खवली : २५०-३००, आम्ळी : १५०-२००, खेकडे : ३००-४५०, चिलापी : ६०-१६०, वाम : ६००-६५०. मटण : बोकडाचे ७८०, बोलाईचे ७८०, खिमा ७८०, कलेजी ८२०. चिकन २००, लेगपीस २५०, जिवंत कोंबडी १४०, बोनलेस ३००. अंडी : गावरान (शेकडा) १०८०, डझन १४०, प्रतिनग १२. इंग्लिश (शेकडा) ५६०, डझन ८०, प्रतिनग ७.