कारली, फ्लॉवर, वांगी, घेवडा, मटारच्या भावात घट

मार्केट यार्ड, ता. २७ : बाजारात आवक जास्त असल्याने बटाटा, भेंडी, काकडी, कारली, फ्लॉवर, वांगी, सिमला मिरची, घेवडा, मटारच्या भावात १० ते २० टक्क्यांनी घट झाली होती. तर टोमॅटो, तोतापुरी कैरीच्या भावात वाढ झाली होती.
गुलटेकडी मार्केटयार्डात रविवारी (ता. २७) राज्याच्या विविध भागांसह परराज्यांतून सुमारे ९० ट्रक फळभाज्यांची आवक झाली. परराज्यांतून झालेल्या आवकीमध्ये कर्नाटक, गुजरात, आंध्र प्रदेश, उत्तर प्रदेश हिरवी मिरची १० ते १२ टेम्पो, कर्नाटक येथून कोबी ४ ते ५ टेम्पो, आंध्र प्रदेश आणि तमिळनाडू येथून शेवगा ३ ते ४ टेम्पो, इंदूर येथून गाजर ८ ते ९ टेम्पो, कर्नाटक येथून पावटा ४ ते ५ टेम्पो, तमिळनाडू येथून तोतापुरी कैरी १ टेम्पो, मध्यप्रदेश येथून लसणाची सुमारे ७ ते ८ टेम्पो तर इंदूर, आग्रा, स्थानिक भागांतून बटाटा ५० ते ५२ टेम्पो इतकी आवक झाली होती. स्थानिक भागातून झालेल्या आवकीमध्ये सातारी आले सुमारे ४०० ते ५०० गोणी, भेंडी ७ ते ८ टेम्पो, गवार ५ ते ६ टेम्पो, टोमॅटो ७ ते ८ हजार क्रेट, हिरवी मिरची ४ ते ५ टेम्पो, काकडी ८ ते १० टेम्पो, हिरवी मिरची ४ ते ५ टेम्पो, काकडी ८ ते १० टेम्पो, फ्लॉवर १४ ते १५ टेम्पो, कोबी ५ ते ६ टेम्पो, ढोबळी मिरची ८ ते १० टेम्पो, शेवगा २ ते ३ टेम्पो, भुईमूग शेंग १०० गोणी, मटार ५०० ते ६०० गोणी, तांबडा भोपळा १० ते १२ टेम्पो, कांदा सुमारे ७० ते ७५ टेम्पो इतकी आवक झाली होती, अशी माहिती मार्केट यार्डमधील ज्येष्ठ अडते विलास भुजबळ यांनी दिली.
फळभाज्यांचे दहा किलोचे भाव : कांदा : १२०-१५०, बटाटा : १३०- १७०, लसूण : ३००- ९००, आले सातारी : ३५०- ४००, भेंडी : १५०-३००, गवार : ४००- ७००, टोमॅटो : ३००- ३५०, दोडका : ३००-५००, हिरवी मिरची : ५००-६००, दुधी भोपळा : १००-२००, चवळी : २००- २५०, काकडी : १२०-१६०, कारली : हिरवी १५०-२००, पांढरी : १००-१५०, पापडी : ३००- ३५०, पडवळ : १५०-२००, फ्लॉवर : ६०-१००, कोबी : ६०- १२०, वांगी : १००-३००, डिंगरी : ३००-३५०, नवलकोल : ६०-८०, ढोबळी मिरची : ३००- ३५०, तोंडली : कळी : ३५० -४००, जाड : १५० -१६०, शेवगा : ३००-४००, गाजर : २५०-३००, वालवर : ४००- ४५०, बीट : १८०-२००, घेवडा : २५०-३००, कोहळा : १००- १५०, आर्वी : १५०-२००, घोसावळे : २००-२५०, ढेमसे : २००-२५०, भुईमूग शेंग : ५५०-६००, मटार : स्थानिक मटार : ७००- ९००, पावटा : ४००-५००, तांबडा भोपळा : १००-१५०, तोतापुरी कैरी : ७००, सुरण : १८०-२००, मका कणीस : ५०-१००, नारळ (शेकडा) : १०००- १६००.

मेथी, शेपू, चुका, महाग तर चाकवत पुदिना स्वस्त
पावसानंतर नवीन पालेभाज्यांची मोठ्या प्रमाणात आवक वाढली आहे. गुलटेकडी येथील मार्केटयार्डात पालेभाज्यांची आवक मागील आठवड्याच्या तुलनेने काहीशी कमी झाली होती. मेथी, शेपू, चुकाच्या शेकडा जुडीमागे काहीशी वाढ झाली होती. तर चाकवत आणि पुदिनाच्या भावात घट झाली होती. इतर सर्व प्रकारच्या पालेभाज्यांचे भाव गेल्या आठवड्याच्या तुलनेने स्थिर होते. गुलटेकडी मार्केटयार्डातील घाऊक बाजारात रविवारी (ता. २७) कोथिंबिरीची सुमारे एक लाख २५ हजार जुडी तर मेथीची ५० हजार जुडींची आवक झाली होती.
पालेभाज्यांचे शेकड्यातील भाव : कोथिंबीर : ५०० ते १०००, मेथी : ८००-१२००, शेपू : ५००- ८००, कांदापात : १०००-१५००, चाकवत : ५००-७००, करडई : ३००-६००, पुदिना : ३००-५००, अंबाडी : ३००-६००, मुळे : ८००-१५००, राजगिरा : ४००- ७००, चुका : ५००- ८००, चवळई : ३००-६००, पालक : ८००-१२००.

फळांची आवक वाढली
फळ बाजारात लिंबू वगळता फळांची आवक वाढली होती. आवक कमी झाल्याने केवळ लिंबाच्या भावात गोणीमागे पन्नास रुपयांची वाढ झाली होती. मागणी आणि पुरवठा यातील समतोलामुळे सर्व प्रकारच्या फळांचे भाव गेल्या आठवड्याच्या तुलनेने स्थिर होते.
गुलटेकडी येथील मार्केटयार्ड फळबाजारात रविवारी (ता. २७) फळबाजारात मोसंबी ३५ ते ४० टन, संत्री एक टन, डाळिंब ४० ते ४५ टन, पपई २५ ते ३० टेम्पो, लिंबांची सुमारे ८०० ते १००० गोणी, कलिंगड १ ते २ टेम्पो, खरबूज २ टेम्पो, चिक्कू ४०० ते ५०० गोणी,
पेरू १००० क्रेट, अननस ४ ट्रक तर सीताफळाची १० ते १२ टन,
जांभूळ २ ते ३ पिकअप इतकी आवक झाली होती.
फळांचे भाव पुढीलप्रमाणे - लिंबे (प्रतिगोणी) : २००-४५०, मोसंबी : (३ डझन) : १००-२५०, (४ डझन) : ३०-१००, संत्री : (१० किलो) : १५०-६००, डाळिंब (प्रतिकिलोस) : भगवा : ६०-२५०, आरक्ता : १०-५०, गणेश : १०-३०, कलिंगड : १५-२५, खरबूज : २०-३५, पपई : १५- ३०, चिक्कू (दहा किलो) : १००-५००, पेरू (२० किलो) : २००-४००, अननस (१ डझन): १००-७००, सीताफळ (१ किलो) : २०-१२०. जांभूळ ८० ते १००.

फुलांच्या भावात वाढ
श्रावण महिना सुरू झाल्याने फूलबाजारात रविवारी फुलांची मोठ्या प्रमाणात आवक वाढली होती. श्रावणामुळे मागणी वाढल्याने सर्व प्रकारच्या फुलांच्या भावात २० ते ३० टक्क्यांनी वाढ झाली होती. आवक होणाऱ्या फुलांपैकी ६० ते ७० टक्के फुले भिजलेली आहेत. त्यामुळे सुक्या फुलांना जास्त मागणी होती, अशी माहिती मार्केटयार्ड फुलबाजारातील फुलांचे व्यापारी सागर भोसले यांनी दिली.
फुलांचे प्रतिकिलोचे दर पुढीलप्रमाणे : झेंडू : ३०-८०, गुलछडी : १०० -१५०, अ‍ॅष्टर : जुडी ३०-४०, सुट्टा १००-१५०, कापरी : ५०-८०, शेवंती : ५-१२०, (गड्डीचे भाव) गुलाबगड्डी : २०-३०, गुलछडी काडी : २०-३०, डच गुलाब (२० नग) : ६०-८०, जर्बेरा : ३०-४०, कार्नेशियन : १००-१५०, शेवंती काडी २००-३००, लिलियम (१० काड्या) १०००-१२००, ऑर्चिड ४००-५००, ग्लॅडिओ (१० काड्या) : ८०-१२०, जिप्सोफिला : २००-३००, जुई : ३००-४००.