मार्केटयार्डात ९० ट्रक फळभाज्यांची आवक
मार्केट यार्ड, ता. १० : पावसामुळे बाजारात फळभाज्यांची आवक मागील आठवड्याच्या तुलनेत स्थिर होती. बाजारात मागणी अधिक असल्याने प्लॉवर, गाजर, मटार भावात १० ते २० टक्क्यांनी वाढ झाली होती. तर भुईमूग शेंगाचे दरात १०ते १५ टक्क्यांनी घट झाली होती. ते इतर सर्व प्रकारच्या फळभाज्यांचे भाव स्थिर होते.
गुलटेकडी मार्केटयार्डात राज्याच्या विविध भागांसह परराज्यांतून सुमारे ९० ट्रक फळभाज्यांची आवक झाली. परराज्यांतून झालेल्या आवकीमध्ये कर्नाटक, गुजरात, आंध्र प्रदेश, उत्तर प्रदेश हिरवी मिरची ८ ते १२ टेम्पो, प्लॉवर ८ ते १० टेम्पो, इंदूर येथून गाजर ९ ते १० टेम्पो, कर्नाटक येथून कोबी ४ ते ५ टेम्पो, आंध्र प्रदेश आणि तमिळनाडू येथून शेवगा ३ ते ४ टेम्पो, कर्नाटक येथून पावटा २ ते ३ टेम्पो, तमिळनाडू येथून तोतापुरी कैरी १ टेम्पो, कर्नाटक येथून घेवडा २ ते ३ टेम्पो, गुजरात येथून भुईमूग शेंग २ टेम्पो, मध्य प्रदेश येथून लसणाची सुमारे ८ ते १६ टेम्पो तर इंदूर, आग्रा, स्थानिक भागांतून बटाटा ४० ते ४५ टेम्पो इतकी आवक झाली होती.
फळभाज्यांचे दहा किलोचे भाव : कांदा : १४०-१६०, बटाटा : १३०-१७०, लसूण : ३००- ९००, आले सातारी : २००-४५०, भेंडी : २५०-४००, गवार : ४००-५००, टोमॅटो :२००-३००, दोडका : ३५०-४५०, हिरवी मिरची : ४५०-५००, दुधी भोपळा : १५०-२००, चवळी : २००- २५०, काकडी : १६०-२००, कारली : हिरवी २००-२५०, पांढरी : १८०-२००, पापडी : ३००-३५०, पडवळ : १५०-२००, फ्लॉवर : २००-२५०, कोबी : ५०- १००, वांगी :१५०-२५०, डिंगरी : ३००-३५०, नवलकोल : ६०-७०, ढोबळी मिरची : ३५०- ४००, तोंडली : कळी : ४००-४५०, जाड : १८० -२००, शेवगा :२००-३००, गाजर :३००-३५०, वालवर : ४००- ४५०, बीट : १५०-१८०, घेवडा : ४००-४५०, कोहळा : १००- १५०, आर्वी : १६०-२००, घोसावळे : २००-२२०, ढेमसे : २००-२५०, भुईमूग शेंग : ३००-४००, मटार : स्थानिक मटार : १०००, पावटा : ४००-४५०, तांबडा भोपळा : ८०-१५०, तोतापुरी कैरी : १०००-१२००, सुरण : १८०-२००, मका कणीस : ५०-१००, नारळ (शेकडा) : १०००- १६००.
कोथिंबीर, पालक, करडई भावात वाढ तर चुका, चवळीत घट
पावसानंतर नवीन पालेभाज्यांची आवक काही प्रमाणात वाढली असली तरी श्रावणामुळे पालेभाज्यांना मागणी वाढली आहे. यामुळे पालेभाज्यांच्या दरात किंचित वाढ झाली आहे. पालक, कोथिंबीर, करडई मागणी जास्त असल्याने भावात १ ते २ रुपयांनी वाढ झाली होती, तर चुका, चवळई दरात १ ते २ रुपयांनी घट झाली आहे. तर मेथीचे सहित इतर सर्व प्रकारच्या पालेभाज्यांचे भाव गेल्या आठवड्याच्या तुलनेने स्थिर होते. गुलटेकडी मार्केटयार्डातील घाऊक बाजारात रविवारी (ता. १०) कोथिंबिरीची सुमारे सव्वा लाख जुडी, तर मेथीची ६० हजार जुडींची आवक झाली होती.
पालेभाज्यांचे शेकड्यातील भाव : कोथिंबीर : १००० ते १५००, मेथी : ८००-१०००, शेपू : ४००- ७००, कांदापात : ८००-१५००, चाकवत : ४००-६००, करडई : ४००-७००, पुदिना : ३००-६००, अंबाडी : ४००-६००, मुळे : ८००-१५००, राजगिरा : ४००- ७००, चुका :३००-६००, चवळई : ३००-६००, पालक : ८००-१५००.
लिंबाच्या भावात वाढ; उर्वरित फळे स्थिर
लिंबाची अपेक्षित तोड न झाल्याने रविवारी गुलटेकडी मार्केट यार्डातील फळबाजारात लिंबाची आवक घटली होती. त्या तुलनेत मागणी जास्त असल्याने मागील आठवड्याच्या तुलनेत लिंबाच्या दरात १५ ते २० किलोंच्या गोणीमागे शंभर रुपयांनी वाढ झाली आहे. मागणी आणि पुरवठा यातील समतोलामुळे सर्व प्रकारच्या फळांचे भाव गेल्या आठवड्याच्या तुलनेने स्थिर होते.
गुलटेकडी येथील मार्केटयार्ड फळबाजारात रविवारी (ता. १०) फळबाजारात मोसंबी ५० ते ६० टन, संत्री तीन ते चार टन, डाळिंब ४५ ते ५० टन, पपई २० ते २५ टेम्पो, लिंबांची सुमारे १००० ते १२०० गोणी, कलिंगड १० ते १२ टेम्पो, खरबूज १ ते २ टेम्पो, चिक्कू २५० ते २५० डाग, पेरू १२०० ते १३०० क्रेट, अननस ५ ट्रक तर सीताफळाची १५ टन इतकी आवक झाली होती.
फळांचे भाव पुढीलप्रमाणे - लिंबे (प्रतिगोणी) : ३००-६००, मोसंबी : (३ डझन) : ११०-२५०, (४ डझन) : ४०-१००, संत्री : (१० किलो) : १५०-६००, डाळिंब (प्रतिकिलोस) : भगवा : ६०-२५०, आरक्ता : १०-६०, गणेश : १०-३०, कलिंगड : १०-२५, खरबूज : १०-३०, पपई : ५-२५, चिक्कू (दहा किलो) : १००-६००, पेरू (२० किलो) : २००-४००, अननस (१ डझन): १००-७००, सीताफळ (१ किलो) : २०-२५०.
फुलांची आवक कायम राहिल्याने भाव स्थिर
बाजारात फुलांची आवक वाढली आहे. आवक-जावक कायम असल्याने भाव स्थिर आहेत. पावसामुळे भिजलेल्या फुलांचे प्रमाण ५० टक्के वर पोहोचले आहे. मात्र दर्जेदार फुलांना चांगला भाव मिळत असल्याची माहिती फुलांचे व्यापारी सागर भोसले यांनी दिली.
फुलांचे प्रतिकिलोचे दर पुढीलप्रमाणे : झेंडू : ४०-८०, गुलछडी : १६०-२५०, अॅष्टर : जुडी ३०-४०, सुट्टा १२०-१४०, कापरी : ५०-६०, शेवंती : १००-१५०, (गड्डीचे भाव) गुलाबगड्डी : २०-३०, गुलछडी काडी : ३०-५०, डच गुलाब (२०नग) : १००-१५०, जरबेरा :४०-६०, कार्नेशियन : १६०-२००, शेवंती काडी २००-२५०, लिलियम (१०काड्या) ८००-१२००, ऑर्चिड ४००-५००, ग्लॅडिओ (१०काड्या) : १००-१५०, जिप्सोफिला : १२०-१६०, जुई :५००-६००.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.