श्री बाणलिंग विद्यालय फोंडशिरस व सदाशिवराव माने विद्यालय अकलूज सर्वसाधारण विजेतेपदाचे मानकरी

अकलूज : प्रताप क्रीडा मंडळाच्या स्पर्धेतील सर्वसाधारण विजेतेपदाचे संघ व मान्यवर.
..........
फोंडशिरसच्या ‘बाणलिंग’ अकलूजच्या माने विद्यालयास विजेतेपद

प्रताप क्रीडा मंडळाच्या समूह नृत्य स्पर्धा; माणकीचे सदाशिवराव माने विद्यालय प्रथम
.......
अकलूज, ता. १५ : प्रताप क्रीडा मंडळाच्या ४८व्या राज्यस्तरीय नृत्य स्पर्धेत ग्रामीण गटात फोंडशिरसचे श्री बाणलिंग विद्यालय व शहरी गटात अकलूजचे सदाशिवराव माने विद्यालय यांनी सर्वसाधारण विजेतेपद पटकावले. तर ग्रामीण गटात (पाचवी ते दहावी) प्रासंगिक नृत्य सादरीकरणात माणकीतील सदाशिवराव माने विद्यालयाने प्रथम क्रमांक मिळविला.
स्मृती भवनच्या बादशाही रंगमंचावर प्रताप क्रीडा मंडळाच्या राज्यस्तरीय शालेय मुले-मुलींच्या नृत्य स्पर्धेत यावर्षी २ हजार ३ विद्यार्थ्यांनी सादरीकरण केले. सुमारे १२६ शाळांनी सहभाग घेतला‌. गत तीन दिवसांपासून चालू असलेल्या या स्पर्धेत ग्रामीण व शहरी विभागातून प्रत्येकी पाच गटात शालेय मुला-मुलींनी आपला नृत्यविष्कार सादर केला‌. या स्पर्धेतील विजेत्यांना अभिनेते वैभव चव्हाण, अध्यक्षा स्वरूपाराणी मोहिते-पाटील यांच्या हस्ते रोख रक्कम, सन्मानचिन्ह, प्रमाणपत्र बक्षिस देण्यात आले.
यावेळी ॲड. नितीन खराडे, दीपक खराडे, सचिव अभिजित रणवरे, सहसचिव हर्षवर्धन खराडे, परीक्षक योगेश देशमुख कुणाल मसाले, प्रेम आर्लेकर, उपाध्यक्ष पोपट भोसले, बिभीषण जाधव, डॉ.विश्वनाथ आवड, संजय गळीतकर यांच्यासह संचालक, सदस्य, कलाकार, रसिक मोठ्या संख्येने उपस्थित होते.
प्रस्ताविकात स्वरूपाराणी मोहिते-पाटील यांनी प्रताप क्रीडा मंडळ, संस्थापक जयसिंह मोहिते-पाटील यांच्या मार्गदर्शना खाली कला, क्रीडा, सांस्कृतिक, सामाजिक क्षेत्रात मोलाचे योगदान दिले आहे. ग्रामीण कलावंतांना व्यासपीठ उपलब्ध करून देणे हा या स्पर्धेचा उद्देश असून मागील ४८ वर्षांत ६० हजारांपेक्षा अधिक कलाकारांना संधी उपलब्ध करून दिली असल्याचे सांगितले.

स्पर्धेचा निकाल
गट (अकरावी ते महाविद्यालय) प्रासंगिक नृत्य, सहकार महर्षी अभियांत्रिकी महाविद्यालय प्रथम क्रमांक, शंकरराव मोहिते-पाटील महाविद्यालय अकलूज द्वितीय, महर्षी प्रशाला, यशवंतनगर व रत्नाई कृषी महाविद्यालय अकलूज तृतीय क्रमांक (विभागून), श्री बाणलिंग विद्यालय फोंडशिरस द्वितीय, मोरजाई विद्यालय मोरोची तृतीय, शहरी गट, महर्षी प्रशाला यशवंतनगर प्रथम क्रमांक, सदाशिवराव माने विद्यालय अकलूज व जिजामाता कन्या प्रशाला अकलूज, द्वितीय क्रमांक (विभागून),

कोट
प्रताप क्रीडा मंडळ मंडळाच्या या स्पर्धांतून भविष्यात खूप मोठे कलाकार निर्माण होतील.
- वैभव चव्हाण, अभिनेते

कोट
प्रताप क्रीडा मंडळाच्या समूह नृत्य स्पर्धा या आंतरराष्ट्रीय समूहनृत्य स्पर्धेसारख्याच जाणवतात. असा शिस्तबद्ध उत्साही अन् आनंदी वातावरणातील कार्यक्रम कुठेही पहावयास मिळत नाही. कलाकारांसाठी ही संधी असल्याचा मला आनंद आहे.
- प्राजक्ता घाग, अभिनेत्री