मुंबई पुणे महामार्गावर मोठी वाहतूक कोंडी, दोन किलोमीटर पर्यंत रांगा

मुंबई- पुणे महामार्गावर वाहनांच्या लांबच लांब रांगा लागल्याने मोठ्या प्रमाणात वाहतूक कोंडी झाली आहे. खालापूर टोन नाक्याजवळ जळपास दोन किमी पर्यंत रांगा लागल्या आहेत. बोरघाटात अपघात झाला होता. त्यामुळे रस्तेवाहतूक खोळंबली आहे. (Traffic Jam on Mumbai Pune express way)

बोरघाटात सकाळी साडेसातच्या सुमारास एका ट्रकने ट्रेलरला धडक दिली. यानंतर वाहतुकीची गती एका बाजूने मंद झाली होती. महामार्ग पोलिसांनी वेळेत पोहोचून परिस्थिती नियंत्रणात आणण्याचा प्रयत्न केला. मात्र वीकएंड असल्याने हायवेवर मोठ्या प्रमाणात वर्दळ आहे. त्यामुळे ही कोंडी वाढली. मुंबईकडे येणाऱ्या मार्गावर हा अपघात झाला होता. यानंतर मुंबईकडे येणाऱ्या मार्गावर खालापूरजवळ लांबच लांब रांगा लागल्या.