पुणे : पुण्याच्या वाहतूक कोंडीमुळे वारंवार नागरीक तक्रारी करत असतात. बेशिस्तपणे वाहने चालवणे, सिग्नल तोडणे, कोणतेही वाहतुकीचे नियम न पाळणे अशा नागरिकांमुळे वाहतुकीच्या अनेक समस्या निर्माण होतात. तर अशा "माठां"विरोधात पुणे वाहतूक पोलिसांनी पावले उचलली असून त्यांच्यावर कडक कारवाई करण्यात येत आहे.
पुणे वाहतूक पोलिसांनी "कोणे हा माठ" या नावाने अभियान सुरू केलं असून वाहतुकीचे नियम तोडणाऱ्या नागरिकांचे सीसीटीव्ही कॅमेऱ्याद्वारे टिपलेले फोटो अधिकृत ट्वीटर हँडलवर पोस्ट करण्यास सुरूवात केली आहे. त्यामुळे अनेक ठिकाणी आता बेशिस्तपणे वाहने चालवणाऱ्या चालकांवर कठोर कारवाई केली जात आहे.
दरम्यान, वाहतुकीचा नियम सर्वांना लागू पडतो. त्यामुळे पीएमपीएमएल बसवरही कारवाई करण्यात येत आहे. तर सिग्नल लागल्यावर पांढऱ्या पट्टीच्या समोर येणाऱ्या बसचे फोटो शेअर करत त्या PMPML बसवर कारवाई करण्यात येत असल्याची माहिती पुणे वाहतूक पोलिसांच्या अधिकृत ट्वीटरवरून देण्यात आली आहे.
तर फूटपाथवरून गाडी चालवणाऱ्या, नियम तोडूनही इतर नागरिकांवर दमदाटी करणाऱ्या चालकांवरही कारवाई करण्यात येत आहे. ट्वीटरवर पोलिसांच्या अकाऊंटला टॅग करून नियम तोडणाऱ्यांविरोधात तक्रार केली तरीही पोलिसांकडून अशा बेशिस्त वाहनांवर कारवाई करण्यात येते. पोलिसांच्या या अभियानामुळे बेशिस्त वाहतुकीस चाप बसेल अशी अपेक्षा आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
