थेऊर - फोनवर बोलत जात असताना रेल्वेने तरुणाला धडक दिल्याची घटना घडली आहे. ही घटना कुंजीरवाडी (ता. हवेली) ग्रामपंचायत हद्दीतील थेऊर रेल्वे उड्डाणपुलाखाली गुरुवारी (ता. 7) सायंकाळी सव्वा सातवाजण्याच्या सुमारास घडली आहे..या अपघातात तरुणाचा जागीच मृत्यू झाला आहे. बंटी राजा परमार (वय-30, मूळ रा. ग्राम पिप्रोदा उबारी, शिवपुरी- मध्यप्रदेश) असे मृत्यू झालेल्या तरुणाचे नाव आहे. मिळालेल्या माहितीनुसार, बंटी परमार हा परप्रांतीय असून लोणी काळभोर परिसरात कामाच्या शोधात आला होता.त्याला कामही मिळाले होते आणि कामातून मिळालेले पैसे तो घरी पाठवित होता..दरम्यान, बंटी परमार हा फोनवरून बोलत पायी चालला होता.तेव्हा थेऊर रेल्वे उड्डाणपुलाखालून तो जात असताना त्याला रेल्वेने जोरदार धडक दिली. अशी माहिती प्रथमदर्शनी व्यक्तींनी दिली आहे. त्यानंतर या घटनेची माहिती लोणी काळभोर पोलिसांना दिली..या घटनेची माहिती मिळताच, लोणी काळभोर पोलीस ठाण्याचे बीट मार्शल वैभव खोत व प्रसाद ताम्हाणे तातडीने घटनास्थळी दाखल झाले. गंभीर जखमी झालेल्या बंटी परमार याला रुग्णवाहिकेतून लोणी काळभोर येथील एका खाजगी हॉस्पिटलमध्ये उपचारासाठी दाखल करण्यात आले. मात्र, बंटी परमार याचा उपचारापूर्वीच मूत्यू झाल्याचे तेथील डॉक्टरांनी घोषित केले..पोलीस हवालदार चंद्रकांत माने यांनी बंटी परमार यांच्या मृतदेह ताब्यात घेत शवविच्छेदन करण्यासाठी पुण्यातील रुग्णालयात पाठविला आहे. शवविच्छेदनाचा अहवाल आल्यानंतर मृत्यूचे खरे कारण पुढे येईल, ही आत्महत्या की अपघात त्यादृष्टीने लोणी काळभोर पोलीस पुढील तपास करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
