मंचर - अंत्यविधीसाठी मोटारसायकलवरून मंचरकडे येत असताना रत्नाकर मारुती वाळुंज (वय ५५, रा. पिंपरी बुद्रुक, ता. खेड) यांचा भीषण अपघातात मृत्यू झाल्याची दुर्दैवी घटना मंगळवारी (ता. ५) सायंकाळी घडली. पुणे-नाशिक राष्ट्रीय महामार्गावर मंचर जवळ असलेल्या भोऱवाडी-तांबडे मळा (ता. आंबेगाव) घाटाजवळ पाठीमागून भरधाव वेगाने आलेल्या सफेद चारचाकी वाहनाने त्यांच्या मोटारसायकलला जोरदार धडक दिली. अपघातानंतर न थांबताच चार चाकी वाहन निघून गेले.